漂泊中的魚

我間唔中就會出現係塱原, 而塱原收成節都唔係第一次係呢度介紹, 前前後後去左 4 年了, 一如以往我今年都係黎做下義工, 幫下手搬搬枱枱, 順手燒下飯團, 烤下粟米, 煨下芋頭蕃薯, 同爆埋栗子咁囉 …

上回的收成節係本年 1 月, 都已經算係幾熱下, 今回天氣很好, 陽光普照, 那就令人感到更加熱, 整個感覺跟夏天無異. 天氣的反常總令人有點無所適從, 也實在有點令人擔憂, 究竟還要有多少天災人禍的發生, 才會令人醒覺一點的呢 ?!

過去幾年的塱原收成節介紹 :

HK : 2017 塱原收成節

HK : 2016 塱原收成節

HK : 2015 塱原收成節

我喜歡塱原, 就是喜歡那一大片廣濶的農田, 冬天時種菜就得到綠色, 如果是稻米, 成熟之時就得到了一片金黃. 下田工作是辛苦的, 卻也令人有著滿足, 喜歡閒時就留在大自然中, 好好享受大自然留給我們的禮物 !

工作人員在會場中是很忙的, 呢度要寫下字, 轉頭連流動廁所都要檢查埋 (哈哈 !), 所以每一回都會找來一班義工幫幫手架 …

本年又有好野賣, 有米, 有番梘, 仲有新鮮農場蔬菜呀 !

喜歡藝術的, 就可以去看畫展, 又或俾人係臉上下雀鳥彩繪丫 !

主辦單位其實當日準備左好多活動俾參加者去體驗, 有土窯製作及煮食, 馬蹄採收, 稻草紮作, 生態導賞, 還有聽故事時間 … 等, 真係可以玩足一整日 !

本年我們又負責燒飯團的工作, 用塱原自家種出來的米, 再混入菜蔬, 以制作飯團 !

飯團成型後, 拿到炭火上烤, 再沾一點本地出品的豉油, 就可以食得架啦 ~

另一邊廂就是米 pizza 之製作了 !

Pizza 底不用麵粉, 改有米飯團, 壓好再舖上自己喜歡的配料, 再放進高達 400 多度的烤爐中, 焗十多分鐘就完成 !

本年的員工飯餐好厲害呀 !! 呢個鹽焗雞飯勁大份, 仲好好味添呀 ~

同場還有數款飯盒菜式提供, 最重要是採用可重用之飯盒, 義工們 / 員工們自備餐具, 提倡少用食棄餐具, 呢樣係我正努力 follow 中, 基本上即棄餐具我都冇乜用到, 係走飲管時總有一半時間失敗, 而我最大的困難就是想喝咖啡時總没有環保杯在身, 我也因此少買了很多外帶咖啡 … …

提提大家, 本年度最後一場塱原收成節就是本星期日呀 !!

長春社 – 塱原收成節 Webpage : https://www.cahk.org.hk/activity_news_details.php?u=46&u2=activity