12 月完成了 2019 年最後一個台北快閃遊, 今次我地又係去左食好野啦 !
今回住宿又換左間新野 Hôtel Le Hôme (樂居 • 微風), 就位於中山北路離我之前常入住的 AMBA 中山不遠, 價格卻再相宜一點的酒店, 由於我較熟悉這一區, 個人覺得出入坐車, 附近找吃的都很方便.
酒店陳設走簡約風格, 雙人雙床房的浴室超大, 睡房部份則只是剛好供 2 人走動, 行李都要放到一旁, 不過我一向不多留酒店, 因此床舖夠舒適就可以, 相反朋友訂的雙人床房則睡房部份較為濶落的 !
Hôtel Le Hôme (樂居 • 微風) Webpage : https://www.lehomehotel.com/
Hôtel Le Hôme (樂居 • 微風) Tripadvisor Review : https://www.tripadvisor.com.hk/Hotel_Review-g13808671-d17513115-Reviews-Hotel_Le_Home-Zhongshan_District_Taipei.html
酒店頂層設有酒吧 Le Petite Charme, 才開了 6 個月左右, 營業到凌晨 1 點, 聽說這裡調的酒很不錯, 今回我是無緣一試, 下月再去時, 應該可以帶朋友去感受一下.
Le Petite Charme Facebook Page : https://www.facebook.com/LaPetitCharme2019/
星期五晚出發, 通常到埗後都會找一個地方跟朋友們吃宵夜, 這次在網路上先跟這家 ABV 日式居酒館 (台北中山店) 留座, 主要看過介紹, 這裡有好飲加好食的 !
若是喜歡啤酒的朋友, 真係值得黎呢度, 參觀下那有足足一整排雪櫃咁多的啤酒, 有本地也有外國入口的, 保證總有一款啱大家的. 而我這個不善飲酒的, 就當然會埋頭主攻美食啦 ~
ABV 日式居酒館 (台北中山店) Facebook Page : https://www.facebook.com/abvjapanese/
呢度主打日式居酒屋食品, 賣相精緻而味道好好, 炸蝦、卷蛋 及 幾款串燒都係我的推介, 而四色炸麻糬, 我地雖然吃不出味道之不同, 但真正做到外脆內嫩架, 唔錯的結尾甜品 ~
來到台灣, 又點可以唔帶朋友去街市買水果呀 !
踏入冬天開始有士多啤梨, 台灣的本地出品一點不遜日本的, 而且價錢平上一大截, 大家若有機會在街市見到, 真係可以買黎一試 !
PS : 小小預告, 由當地朋友介紹, 下月我可能會去台灣農場摘士多啤梨, 有興趣想知到多點, 就要繼續留意我的 FB Page / IG 啦 ~
Encore 了上回介紹過的廖家飯團, 今次仲試埋加左豬扒的, 正呀 !
廖家飯團 Facebook Page : https://www.facebook.com/Liao.rice.ball/
明明係台北的天氣不錯, 怎料來到海邊地區八斗子車站, 卻又變得陰雲密佈, 可惜了這一片廣濶的海邊風景哦 ~
本來想玩下呢個深澳鐡道自行車, 但原來要成個月前預約, 而且係冇得即場售票, 咁就唯有等下次啦 ~
深澳鐡道自行車 訂票 Webpage : https://www.railbike.com.tw/
反正黎到, 就去埋係深澳漁港再深入一點的深澳岬角, 參觀下那個象鼻岩景觀區啦 ~
這個景區的獨特地貌, 主要由於這片土地由不同地質所組成, 經過多年的風雨侵食下, 就形成了一個又一個磨菇形的礁岩, 遠看都幾得意架 !
這裡的象鼻岩相當有名, 被列為台灣 36 秘景之一, 睇過人地的遊記是可以走在象頭之上, 不過我也同樣搜到這裡意外頻生, 可能因為咁沿崖及通往象頭的範圍已經被圍起來, 大家就不要亂去爬了 !
深澳漁港, 在這裡可以看到第二景點 : 酋長岩 !
咁個酋長岩係邊度 ? 留意下相二那山崖啦, 似唔似一個酋長的側面呀 ?!
行程上原本唔打算係度食野, 只想行經去買份鹽酥小管, 但黎到呢間小店 (紅梅) 賣小卷米粉, 老闆娘又好好咁俾我地點一碗分黎食, 結果就連順燙透抽都點埋, 嗰碗米粉真係好好味架, 各式魷魚都好正, 推介俾大家去試試 !
呀 ! 老闆娘可以講到幾句廣東話架, 唔識國語都唔驚啦 !
轉個頭來到 國立海洋科技博物館, 睇左場講大白鯊的 3D IMax 海洋劇場, 都幾唔錯架 !
回程經過基隆, 再次來到正濱漁港, 就順道跟朋友們看一下彩色屋, 有興趣看一下上回的介紹 : 2018 台東嘉明湖登山之旅 – Part V 台北基隆 : 正濱漁港 & 和平島
我們再次來到 Tuman Cafe, 今回終於試到呢度的 Matcha Latte & Cupcakes, 原來 Cupcake 不單止賣相精美, 原來味道仲好好添架喎 !
圖們咖啡 Tuman Cafe Facebook : https://www.facebook.com/tumankeelung/
這旅程之重頭戲, 我們來到 台灣米其林一星的 野村壽司 (Sushi Nomura) 吃晚飯 !
這裡晚飯主打無菜單料理, 價格由 NT$ 5000 到 NT$ 10000 都有, 店員會先詢問顧客的飲食習慣, 其餘就由師傅發辨 (Omakase) 了 !
野村壽司 (Sushi Nomura) Facebook Page : https://www.facebook.com/nomurataipei/
店員說套餐上最大分界線在 NT$ 5000 跟 NT$ 7000 兩者, 因此我地兩個價格都有點到，相中粉紅色的是 NT$7000 的, 藍色是 NT$5000 的, 以及最後還有小卷及甜點.
單看相片就見菜式豐富得太過份, 而且用上左好多唔同卻又當時得令的魚類, 特別係會用上了不少台灣本地品種, 餐單大致如下 :
石斑魚刺身 / 烏賊拼法螺貝刺身 / 鰹魚刺身 / 鱈魚白子茶碗蒸 / 鮟鱇魚肝配醃瓜* / 蒸蟹肉丸 / 比目魚壽司 / 燒紅喉魚* / 吞拿魚壽司 / 剝皮魚配魚肝壽司 / 黑喉魚壽司 / 水海膽壽司* / 星鰻壽司* / 蛤蜊清湯 / 小卷 / 甜品
*好好味之選
比目色刺身 / 甜蝦卷 / 青花魚刺身 / 燒午仔魚 / 石斑魚壽司 / 吞拿魚壽司 / 大蝦壽司 / 海膽壽司 / 蛤蜊清湯 / 小卷 / 甜品 (我有部份壽司記太記得了)
食完餐飯, 仲可以同師傅影合照架 !
師傅話過左 5 月會有推出新搞作, 請我地到時再支持一下咁喎 !
唔知係咩呢, 好期待再去幫襯 ~
這晚食完好野仲走左去按摩, 之後還有宵夜 !
再三推介的美味小籠包 – 點水樓 !
2018 速遊台北 III – Part 1 台北的吃喝玩樂跑 !
2018 速遊台北 III – Part 1 台北的吃喝玩樂跑 !
點水樓 Webpage : http://www.dianshuilou.com.tw/
今回去台北仲試左個新玩意 : 鯨魚木雕 !
在網上找到了 MUYU 木宇設計的教學班, 可經 Pinkoi 又或到其專頁 https://cms.niceday.tw/muyuchien/ 上報名 !
除了鯨魚之外, 還有多款動物木雕可以選擇, 但同一個班只可以教一種動物, 報名時要預先跟老師們相討一下 ~
木雕班寫就係大約 5 小時, 但實則會用上更多時間, 因此大家記得要鬆番時間, 推後一點晚餐時間喎 !
MUYU 木宇設計 Webpage : http://www.muyudesign.com/
MUYU 木宇設計 Facebook Page : https://www.facebook.com/MuyuDesign/
木雕班學費包括了老師預先劃好線的模型 & 保護手套, 而工作室亦會提供合適的工具, 全程老師都會提供協助, 因此唔算好難去完成, 但就要花上整個下午的時間及咁上下的力氣啦 !
我本身鍾意玩木, 所以好 enjoy 整個雕刻過程, 之後仲搵左本地朋友幫忙, 去同老師訂左 set 工具同 2 條新的鯨魚模型添呀 !
今回冇乜時間買手信, 朋友們想食芋頭酥, 我就每款買了一盒, 最終還是 裕珍馨的紫玉酥 勝出 !
另外買左一盒小小的經典好酥, 內有迷你版的 古早味綠豆、烏豆沙蛋黃酥、紫玉酥 , 我覺得呢 3 款都好食, 而且細細粒可一口一啖, 下次再去台北車站分店搵下先 !
裕珍馨 Webpage : http://www.yjs.com.tw/
