最近我又跑了一趟台北, 理所當然的又吃喝玩樂一番 !
宵夜時間去林東芳吃碗牛肉麵, 似乎已經是個慣例, 而且不經不覺間, 新麵店已經快開幕一年了啦 ~
麵店附近的遼寧夜市也是一個好去處, 各個攤檔小店都有點特色, 點一份臭豆腐, 再來一份鹽酥雞, 若想吃點甜食, 那燒仙草 / 剉冰 / 豆花 / 燒麻糬 在這個夜市都可以找得到 !
詳細一點的資料, 可以參考 : http://traveling-fish.tixmart.org/2018/01/20/taiwan-2018-01/
早餐如常的前往位於民生西路的菜市場, 台式早餐如雞餅 / 燒餅 / 米漿 & 豆漿都吃得到, 而且價格非常相宜.
之後習慣去到相熟的水果檔, 買定將會帶回公司的手信 … 就係各式時令水果啦 !
來台北吃過乾杯, 也吃過胡同, 那試試這一間 燃 Moe 炭火燒肉吧 ! (我們去了二店)
呢間燒肉店主打食牛, 各個唔同部位的牛肉, 一共 17 款, 不過店員解釋每日來貨不同, 因此唔係次次都有晒咁多部位的牛肉供應架 !
同行朋友不吃牛, 那先點非牛食品 : 豬肉, 雞脾肉, 大蝦 & 海鮮, 品質不錯, 雞脾肉夠嫩, 隻蝦超大隻, 食得過 !
燃 Moe 炭火燒肉 (二店) FB : https://m.facebook.com/Moe%E7%87%83%E7%82%AD%E7%81%AB%E7%87%92%E8%82%89-%E4%BA%8C%E8%99%9F%E5%BA%97-862444437204457/?locale2=zh_TW
牛肉登場, 是日大約有 10 款牛肉提供, 我們一口氣試了 6 款 !
當中我們最欣賞, 應該就是翼板肉了, 肉質嫩滑得黎, 又夠肉香, 唔會一味只係油膩, 結果吃完厚切, 再來一份牛排 !
牛肉質素真係唔錯, 價格可以接受, 而且店員燒烤水準都幾好, 至少没有烤過火的現像, 我可以完全唔洗出手, 就是下單有點甩漏, 間中要催催單, 但已比起上回在胡同的經歷要好一點了 !
大家若想試一下炭火烤牛, 可以考慮下幫襯這店, 但建議預先訂枱 ~
晚上的松山文創園區, 還可以到 誠品生活松菸店 逛逛 …
太久没前來, 去到才發現吳寶春間麵包店已經冇左啦 !
黎得松山區, 又點可以唔去買番包劉媽媽涼麵作宵夜呢 !?
上回食評 : http://traveling-fish.tixmart.org/2018/06/10/taiwan-2018-03/
連續兩個 trip 都大吃大喝, 是時候要用番 d energy 出黎囉 !
這個早上選了到酒店附近的大稻埕碼頭, 沿淡水河畔來一個 10 公里, 呢條 track 真係非常好跑呀 !!!
全程單車徑平路, 沿著河畔出發直到光復橋回頭, 路況好跑風景又靚, 搞到我反而成日要停低影相, 結果呢 10 公里跑左足足個半鐘呀 !
完成 10 公里, 路經迪化街, 再順道吃份綠豆豆花作早餐 !
今回來到台北很有口褔, 朋友預先為我們在點水樓訂座, 好讓我們吃一下連米芝蓮都推薦的小籠包 !
果然呢間餐廳冇令我失望, 我們每一道點的菜式很不錯, 尤以松露小籠包 & 蟹粉小籠包 最為出色 ~
點水樓 Webpage : http://www.dianshuilou.com.tw/
是日適逢其會, 來到微笑動物日的活動會場, 是一個以 Animal friendly 為主題的活動 ! 一個可以帶埋寵物去參加的活動 !
活動立場很清晰, 也是一個很重要的信息, 領養不棄養 !
朋友們常問我, 為何不飼養寵物, 只能說總想四處闖蕩的我, 我亦不願作一個不負責任的人, 因此寵物這伙伴, 暫時還是不能要了 ~
多謝是日中華鯨豚協會的朋友, 很詳細向我們解說台灣拯救擱淺鯨豚的行動及安排, 如果我真的在台北居住, 我一定會參加他們的義工活動 !
某次在 FB 上看到 ㄈㄈ CetaCea 的畫作, 十分喜歡, 從此一直都有留意著其作品. 今回發現他們在這個活動中設有攤檔, 而且有售我最想買到的聖誕禮物 !
Bonus 是吃到了鯨魚餅乾 !
ㄈㄈ CetaCea FB Page : https://www.facebook.com/ccwhale.cetacea/
ㄈㄈ CetaCea Webpage : https://www.ccwhale.com/
台灣黑熊, 獨特而珍貴的一群, 希望當地能好好保護他們 !
小兔兔的攤檔 …
日落黃昏, 又是回程之時 …
點解總係要離開前, 才看到好風景架呢 ?!
