經過一個下午的小休, 到傍晚時份,我地又開車往 Mali Ston, 想再一嚐令人念念不忙的美味海鮮餐. 可能天氣唔係太好, 入夜後人流頗為少, 前一日幫襯過的餐廳黑麻麻, 貌似已經打烊咁, 結果我地走到隔離間餐廳, 我想應該也不會太差吧 ~ 入座後不久, "免費"頭盤已經送上, 又係一個 Fish Pate. 而我地點了 : 1/2 doz Oyster, Scampi Soup, Mussels Soup, Mixed Mussels in garlic sauce, Grilled Squid & Grilled Fish. Overall 都唔錯, Mixed Mussels…
端午節, 好多年的端午節, 我都唔係 HK , 可以話好多年冇食過稯囉 ! 我本身係唔鍾意食稯, 食都只會食用外婆食譜整出來的, 仲衰衰咁只愛吃外面層糯米, 食入到綠豆都有少少不情願, 更唔好講到中間心旳肥豬肉同咸旦黃, 而收拾殘局的一定係阿媽 !! 記得以前端午節, 各家族成員總會一起到外婆家聚會食飯, 走時阿媽就會帶住一大袋稯回家; 到早幾年前外婆身體大不如前, 一個人應付不來我地的苛求, 結果轉移到我家, 在阿媽o個一代+屋企的賓賓協助下, 先完成到任務 (某一年剛剛在港, 可以幫到手, 咁先學到下野!) ; 再到今年外婆剛開始要洗腎, 跟本冇時間/心情去整, 所以今年只有阿媽在家整了 20 多隻分發出去. 既然我咁多年冇得食, 今年有時間有材料, 就整番一些應下節啦 ~ 外婆的稯到今時今日, 我都唔知佢歸落咩種類, 同埋佢係長條型, 而唔係成日見的金字塔型架喎 ! 材料有 : 竹葉同草繩, 糯米, 去皮綠豆, 豬肉(我唔要用淨肥膏呀 !!!), 冬菇(…
今日特地坐火車去 London, 為左睇一個名為 "Red Bull Flugtag 2008" 的 event, 早係 2 個幾月前, 我地已經為左羅到免費入場票, 四處叫朋友上網登記, 因為入場票雖然唔洗錢, 但要抽中先有架, 最終我呢邊羅到 16 張, 但只係得 8 個人得閒去 !! 咩係 Red Bull Flugtag ?! 講真佢係一個幾無聊的比賽, 講到底就係一大班業餘的人去砌一架有特色又飛到的"飛機", 然係係呢度鬥飛得遠囉 ! 呢個比賽係巡迴世界咁舉行, 對上一次係 London 舉行係 2004 年, 其他地方如澳洲, 奧地利等都有舉行過…
今日係第二個 interview 的日子, 由於今次要 prepare a short presentation, 以我一向 last min 先做的習慣, 尋晚成 11:00pm 先起好個 powerpt 同 run thro 一次, 可憐的我又一次經歷一邊訓, 一邊夢見 presentation 內容的惡夢, 呢個係以前讀書時, 我最常發生的慘事, 真係訓左 = 冇訓呀 !! 今朝頂著頭痛, 執正自己, 睇多次份稿, 就開 2 個小時車到東南面的 Slough (somewhere near London M25), 照常早左一個小時到達,…
完成 City Wall Walk 之時, 天色更加陰暗, 看來應該快要下雨, 經過整個朝早的"運動", 我地急不及待地走到古城北區搵食 (即好多窄長樓梯o個邊), 當我地走過其中一條小巷時, 見到一間怖置得頗為精緻的小餐廳, 看過 Menu 覺得食物都幾吸引, 好 ! 就決定呢間啦 ~ 入到餐廳, 選了唯一的窗口位置坐下, 外邊就係人來人往的小巷, 平時極唔喜歡坐門口當 Display 的我, 今次卻毫不反感, 坐係窗邊留意下身邊路過的行人, 又幫四葉妹妹影番幾張以街頭作背景的相, 好一間令人感到舒適的餐廳 ~ 飲品方面 – 原來呢度的 Lemonade 係用新鮮檸檬汁, 混入 soda water, 附砂糖咁上枱的, 比 HK 的檸水更重檸檬的香味,…
唔經唔覺又到六月啦, 唔知係咪年頭放左個長假, 今年好似特別過得快咁o既 …. (一或係我驚下年失業, 而家下又未搵到工, 所以比較留意呢 ?!) 到左六月, 夏天應該來臨之時, 英國天氣依然冇乜改變, 整天灰沉沉, 今日本來打算去 Royal Air Force 慶祝成立 90 周年的 Airshow, 諗住去影下戰機咁, 睇下飛行表演咁, 但天空灰到分分鐘飛機都未必睇得清, 所以最後都冇出門. 剛剛過了一個又忙又緊張的星期, 呢 2 日總算抖一下, 跟住要開始準備下星期四的第二個 Interview, 心情冇咁緊張, 但依然要準備好一堆資料同 presentation, 哈 ! 我仲未決定開車去定坐火車, 開車又怕塞車, 火車又怕佢 delay, 點算好呢 ?! um ……
May 的最後一天, 阿 Jun 終於空運到家啦, 四葉妹妹真係好興奮呀, 阿 Jun 仲未行出盒度, 四葉已經攬住個盒唔放啦 !! 四葉 : 阿 Jun !!!! 你終於黎到啦, 我等左你好耐啦 !阿 Jun : @#$#%%^%$ … (因為仲係個盒度, 冇人聽到佢係度講咩係架 !) 四葉 (笑得好開心) : 阿 Jun, 我地好耐冇見啦 !!!!!!!!阿 Jun : 係呀係呀, 我坐左好耐飛機先黎到架 !!!(心諗 : Um.. 乜你地之前有見過架咩 ?!…
今日跑到老遠, 大約 3 個小時車程, 到 Wales 的 Swansea 去 Interview, 嘩 ! 2 大 teaching hospital 之一都殘成咁 , 不過勝在係正海邊囉 ! 今次又係"三司會審"型式, 面對 dept head + 2 個 chief dietitians, 咁的陣容我真係幾"拗"下, 但都總算冇手震口窒, 問題可以答到的都叫答晒, 當然有唔少答得唔係幾肯定, 我自己覺表現麻麻, 睇黎機會唔大架啦, 就當係一次經驗啦 ! 不過 in 完係 dept head 的介紹下, 開車去左附近一個海邊小 Town…
續上一篇網誌, 繼續呢日的 City Wall Walk ~ 透過城牆上的"窗", 望番去 Dubronvik 新城 ~ 留意樓房上的瓦片, 唔同顏色顥示著唔同年代. 修復有代表性的建築物時, 會盡量用有限的古代手製瓦片 修復普通民居的樓房, 就會用仿製的瓦片 呢邊近 Ploce Gate 入口的大道, 又有一個小檔賣手織品 Dominican Monastery & Museum – 睇番書, 佢條樓梯修改過 ! City wall 外觀, 成個雕堡咁 ~ 由城牆影的城內小巷, 似乎食店還未開舖喎 ~ 又一條小巷, 又一個小檔,…
Day 4 的行程, 係冇乜特別, 我地亦好悠閒的. 先慢慢享受完個豐富早餐, 再 hae 住咁開車入城, 搵左好一陣子車位, 結果只係貴泊車區搵到一千零一個 (15kn per hr), 不過我地唔理咁多囉, 好想睇下 daytime 的古城係點架 ~ 呢日天陰陰, 早上總算尚有一絲陽光同睇到雲層中的藍天, 決定跑到城牆上行佢的 city wall walk (開 0900 – 1830, 收費 50 kn), 雖然係要俾錢, 但絕對值得一遊, 我地由 10:00 左右開始行, 呢個時段遊客並唔多, 我地一邊行一邊影相, 用了相當長的時間才走完一圈, 差不多 1pm 先離開城牆, 近尾段時多了很多旅行團出現,…
開始入黑, 先到停車場補票, 我地再次入城搵地方食晚餐, 今次我地由另一城門 – Ploce Gate 進入, 剛入夜後的 Dubrovnik 依然燈光火著, 但遊人就少左好多, 可能都散到大小餐廳吃晚餐吧. 而我地亦開始走遍大街小巷搵食去, 不過餐廳真係太多了, 而每間餐廳的爆滿程度都相差幾遠下, 有點不知如果選擇好 ~ 由 Ploce Gate 入城, 拍下入夜後的 Old Port 美景 The Stradun 的街燈亮起, 遊人各自開始搵食之旅. 入夜後的 Old Port 人氣不減, 可能較多餐廳聚中此區吧 ! 晚上, Dubrovnik 的燈光倒影, 跟 HK…
從小很喜愛吃燒賣, 由酒樓傳統的, 到街頭的魚肉燒賣, 再到超市的叮叮版, 我都鍾意食. 黎到 UK 之後, 去飲茶時未必會叫, 因為唔係間間整得好食, UK 的豬肉味可以好重, 有時整出黎的燒賣可以好膻. 既然係咁, 不如自己係屋企整, 咁咪唔怕人地用左唔鮮豬肉囉 ~ 我用左 500g 雪藏蝦, 500g mince meat (蝦同豬肉的比例係 1:1), 燒賣黃皮 (但我只買到雲吞皮咋 ~), 同 1 條紅蘿蔔. 先將蝦打成蝦膠, 混入mince meat, 再用麻油, 糖, 鹽, 生粉, 雞粉調味, 最後包入黃皮之內, 面頭我用一粒蝦肉同少少紅蘿蔔碎作點綴.…