星期六跑到離家個半小時車程的 Court Farm Tillington, 我地要努力地作半日的村姑 !
呢個 Farm 佔地好廣, 位於一個山頭之上, 走於農田之間, 仲可以順便欣賞附近的田園風景 ! 剛泊好車, 就已經見到一列動物, 有躲於小屋中的驢仔, 好鬼嘈的一對鵝, 同埋專啄小朋友的走地公雞.
這裡除了 Fruit Picking 之外, 還可以摘唔同的 Vegetables, 一踏入 Farm House, 已經有一塊告示版清楚列明今日可以 Picking Your Own 的蔬果種類, 2 邊牆上有一塊價目表 (價錢以重量來算) 同 農地分佈圖 (標明各種蔬果的位置 !), 睇晒所有資料 (其實係用相機拍下, 隨時拿出來做 references !), 我地隨手拿了幾個免費的透明膠盒, 就開始我地的尋寶旅程 !
今日當造蔬果有多種, 特別吸引我的當然係 Strawberries 同 Raspberries 啦, 本來呢度有 Cherry 架, 但唔知係咪未熟透 or 今年收成唔得, 今次就未有得摘住喎 ! 除左生果, 蔬菜方面有我十分喜愛的 Courgettes. 除左不停摘同偷食之外, 仲影左好多農作物的相片, 一邊睇相一邊介紹啦 ~ 雖然中途落左幾場雨 (都幾大架 !), 搞到上身濕晒, 下身一褲兩腳都係泥, 但都係好好玩架 !!
開始時, 仲有清楚指示牌, 但到田中就開始 confuse ….
Cauliflower – 呢度 d 好 mini, 同埋感覺上未 ready 咁, 所以最後冇摘到 !
Cauliflower 隔離係 Cabbage, um .. 興趣不大
屍橫遍野的 Onion Fields – 我叫呢塊地為 "洋葱亂葬崗" !!
好大片的麥田呀, 不過仲未變色喎 ?!
好多又紅又大粒的 Raspberries, 好多都好甜架 ! 
另一邊的係 Strawberries, 呢度的唔錯, 已經移到架上, 唔洗彎身摘架 !
顏色好靚, 但非常酸的 Red Currants
呢 D 係 Black Currants – 朋友的名言 : "酸成咁唔怪得利寳納要落咁多糖啦 !"
仲掛於樹上的 peas – 構成好靚的圖案
開花後便成型的 Courgettes – 第二日見 TV 教, 可以用呢種花黎做天婦羅架 !
是日收鑊, 唔多但好夠食, 又平又新鮮, 我實會再黎架 !! 只係 8 pounds, 又玩又食又拎 ! 