話說本人生日都已經係去年 11 月的事情, 由此可見最近遊記都出得好慢, 我正努力咁清埋 2020 年的倉底貨, 就會加快追番 2021 年的行程架啦 !!
嗰日攞左假, 午飯可以早點食 D 得意嘢 : B.Duck & Buffy 德記茶樓 !
(好可惜, 事隔只係數月, 原來呢間茶樓已結業了 !)
呢間茶樓的裝飾都幾可愛得意架, 全間都可以處處見到 B Duck 架 ~
咪睇呢間餐廳玩味十足, 就以為點心只係得個睇字, 事實上嘢食之水準相當不錯架 !!
真正的好睇又好食架 ~
原以為餐廳內先咁多裝飾, 走時才發現後樓梯都有幅靚壁畫 !
下午行程, 前往位於金鐘的 The Upper House check-in 我們的 Staycation !
個人入住的經歷, 定必要讚賞一下呢間 The Upper House 的員工們, 他們所提供的服務實在很周到與貼心, 整個 check-in 過程到房間服務, 上下員工都係反應及時與安排周到, 令我地基本上入左房後就可以過著糜爛的閒 hea 生活 !!
The Upper House Webpage : https://www.thehousecollective.com/en/the-upper-house/
事實上, 房間面積之大實在係有點誇張, 而且行入呢個房間後, 我們就只想懶懶的, 好好在房間內閒hea, 那裡都不想去 !!
相中張床夠我地 3 個人一齊瞓架啦, 連員工主動提出要加床, 我地都推拒了, 下午已經試左午睡的我, 評價係實在舒服得很 ….
房間附設的洗手間才算誇張了吧 !
聞說不少打算預訂這酒店作 Staycation 的客人們, 目的都只係想喺呢個大浴室內, 享受一個舒服的泡泡浴咋 !
由於係生日入住, 酒店主動送了一包朱古力 以及 一份小小的 chocolate & cake platter, 最搞笑係仲要送埋 2 個蘋果添 …
朋友說呢個 package 仲包左爆谷任食, 所以我地係度睇戲之時, 都真係打電話 order 左一份上房, 都真係暖笠笠剛爆完送上黎架 !
11 月時份, The Upper House 的期間限定 popup cafe, 竟然係 Teakha 茶家, 呢個真係一個 bonus 黎呀 !
雖然只係 Popup Cafe, 但店員都做到足, 點的 Seasonal Masala Chai 都仲要切個鮮橙再煮番熱俾我地, 而 Scones 就會放入焗爐焗番熱, 我地喺房都能夠食到熱辣辣的茶家 Scones & Masala Chai, 感覺完滿 !
自備了泡泡浴粉來玩泡澡, 係呢晚的另一享受 !
如果要說酒店房間的一個缺點, 那就是落地玻璃並不是單反玻璃, 因此即使貼了玻璃貼, 店員提醒了我們洗澡換衫還是要關上窗簾的 ~~
晚飯都有特別安排, 我地訂左附近的 32 公館 (Mott 32) !
呢間新派中菜的出品, 都係好睇又好食的代表 !
32 公館 Openrice Review : https://www.openrice.com/zh/hongkong/r-%E5%8D%85%E4%BA%8C%E5%85%AC%E9%A4%A8-%E4%B8%AD%E7%92%B0-%E5%B7%9D%E8%8F%9C-%E5%9B%9B%E5%B7%9D-fine-dining-r166406
意相不到好食的 和牛臉脥, 出色 !
呢個 蜜汁西班牙黑毛豬叉燒 一定要計, 有點貴但真係好好食 !
片皮鴨的確好食, 但就不用二食, 因為二食的鴨件真係唔太好味 !
呢個鱔球就有點平平無奇 !
陳年黑醋咕嚕肉, 係另一必食之選 !
我最愛的 糯米飯, 特別偏愛, 所以實唔會唔好食架 !
特別訂的生日壽包 !
Day 2 朝早, 我捉了 2 個朋友陪我行上山頂晨運, 平常我都係夜行多, 在朝陽下走在舊山頂道, 感覺良好 !
回房間沖個涼, 就可以上餐廳食早餐 !
一人選了一份早餐, 由於一個小問題, 店員竟然送上 1 set pastry 俾我地, 整個早餐頓時變得超級豐富, 差點吃不完哦 !!
感言 :
如果唔係因為疫情, 我係根本唔會留係 HK 的, 過去咁多年的習慣使然, 生日之時我都唔會留係當時生活緊的地方, 亦即係我一定會出左去旅行的 !
2020 年的生日係幾特別的, 要多謝多位好友的相伴, 過了豐盛的一天 ~
間茶樓摺咗有啲可惜。