漂泊中的魚

本月快要外潛, 本星期跟朋友們齊齊去漁排出潛 !

最近天氣極其不穩定, 前一晚還下過大雨, 原以為這天也是要玩水戰, 卻想不到天氣意料之外的好, 就連大海水質也不俗, 成功去到獨牛 跟 打浪排 潛 2 支喎 !

漁排換衫, 快艇出潛, 第一站來到獨牛 !

最深下潛到 21 米, 遍地也是軟珊瑚, 美得尤如海底公園, 可惜卻異常平靜, 在珊瑚群中没有找到太多拍攝題材 …

這一潛還是玩足 1 小時, 水溫大約 24 度, 潛到尾段還真有點冷哦 !

朋友指俾我影, 我咪影下囉 …

呢度的軟珊瑚品種不少, 而且仲好靚添, 好似開左花咁架 ~

途中遇上一群 5 條大小不一的細鱗呀 !

見唔見到呀, 佢啤住我呀 !!

講惡都係小丑魚最惡, 你睇下佢係咁追埋我身度呀 !

唔信, 我仲拍左條片架 !!

第二潛, 來到打浪排, 是日有點點湧, 但不算很厲害.

這一潛擺明 hea 潛, 就停留在 10 米內游走, 四處找小東西來拍, 結果成功找到了 3 款兔兔呀 !!

又係你呀, 細鱗 !?

大電筒玩到冇電, 攞住支 spot light 一樣可以玩 ….

結果嘛 … 影到好似夜潛咁樣囉 !

3 分鐘減壓停留之時, 我當浮潛咁玩, 仲有影左條片架 ~

兩潛完成, 我們回漁排整理自己, 順道食個遲來的午飯.

漁排真係次次都咁好餸架喎, 條蒸魚好好食, 可惜相中的蒸水蛋唔係我地, 明明就係好嫩滑的樣子嘛 !?

是日水療完成, 快將要進行已 2 年没玩過的 Liveaboard 之旅, 期待可以見到好多海中大野呀 !!