漂泊中的魚

講開沙田區的短線山遊, 仲有以下呢條比較冷門的路線可以一試 : 水泉澳 行到 牛皮沙, 先旨聲明呢條山徑大部份路段都唔難行, 唯獨下山嗰段就特別的陡斜, 可能要拉繩而下的 ~

起點就在水泉澳村的後山, 入口都清晰的, 接著就慢慢的沿梯級往山上走 …

相中呢舊大石有如皇座, 我地係呢度遇上唔太怕人的小蜥蜴, 俾我地同佢影左陣相先走番入林中, 幾可愛架 ~

途中遇到一水潭, 周邊環境係好唔錯的, 朋友卻笑說是大媽池, 不過是日有點陰冷, 當然就唔會有人黎泡水了, 反而我地可以隨意在水池邊探索一下, 找找水中小生物 …

呢隻菇呀, 望落係咪成日手指咁呢 ?!

唔信你可以望下相 2 架 …

接著路段都在山脊上行走,  順道將山下的城市風景看一遍, 遠到吐露港都可以看得到  ~

我地經過多石頂, 再去到牛皮沙頂, 呢度仲可以望到大老山隧邊入口添架 !

如由牛皮沙頂落山去插桅杆村, 會看到呢舊好似張開左口的河馬石, 大石旁邊有條綁左繩的山路, 慢慢行唔用繩其實都可以的 …

不過打後都係斜度較高的小路, 旁邊都係矮樹密林, 行走時要多加小心哦 !

短短地的 4km 都可以玩左 3 個幾小時的了 ~