HK : 帶團慢遊短線麥理浩徑第二段 (西灣 – 鹹田灣 – 赤徑 – 黃石碼頭)

 

十月颱風來臨前的一天, 難得朋友自新加坡而來, 梗係要帶佢去我最喜愛的 “香港郊野公園” 啦 !

HK 的美景, 絕對不是只有維港夜景, 郊野公園的風景絕對不會輸 !

早上, 先跟朋友們去飲番餐茶, 好讓他們試試港式點心先 ~~

 

這條路線, 不論長短版, 我都行左唔少次, 依然非常喜歡這路線上的風景.

(http://traveling-fish.tixmart.org/?s=%E9%B9%B9%E7%94%B0%E7%81%A3)

好友不是山友, 不常行山, 因此今回我們走短線版, 起步點為西灣亭 ~

 

 

颱風前夕, 特別的大風大浪, 坐於海灣茶座那邊, 看著枱椅都被吹翻了.

如平常一樣吃了碗豆花, 再安坐一會, 我們才再度起行 ~

是日天色一般, 勝在不會太曬太熱, 看來快要進入很適石登山的季節了.

 

接著來到鹹田灣, 美景依舊, 去幾多次都係咁靚的一個好地方 ~~

 

鹹田灣的那座木橋, 似乎又被改建了, 今回升高了, 反而變得有點不穩, 也没有了以往那道獨木橋的風味 ~

 

再次到興記, 除了招牌炒飯 & 炒米, 今回大姐有好鬼正的韮菜炒蛋, 一大札韮菜切碎, 沾了蛋漿後煎香, 真係非常好味 !!

大姐呢度不定期有季節限定, 驚喜無限 ~

 

時間差不多, 來到赤徑, 剛好於下雨前, 上了快艇離去 ~~

今回遊人不多, 始終天氣不佳, 剛好遇上 2 名衝浪客, 6 人包艇回黃石, . . .

→ Read More: HK : 帶團慢遊短線麥理浩徑第二段 (西灣 – 鹹田灣 – 赤徑 – 黃石碼頭)

HK : 日潛豬乸排、夜潛牛尾

 

本星期還是去了潛水, 而且來了個夜潛 ~

上午閒來無事, 跟潛友們吃吃喝喝, 結果出現了一個上午就吃過兩餐的情況 …

先到沙田文化博物館的牧羊少年咖啡.慢遞館, 吃了一份還算不錯的 cooked breakfast, 份量充足, 但略嫌擺盤欠佳, 還好杯咖啡加了分.

轉眼, 我們已經跑到西貢去, 今回再一次吃到 Let’s Jam 的 Cream Tea Set, 這應該暫時是本人在 HK 找到最美味的 Scone set !

 

下午出海, 第一潛是日潛, 潛點為豬乸排, 位置 … 咪係去左 middle of the sea 囉 !!

最深下潛至 13 – 14 米左右, 水質其實不差, 算叫幾清下, 至少遠遠地都仲睇到下大石 ~

 

呢一潛 … 我找到最多是躱在洞中的八爪魚 …

在洞中忽然見到眼仔望住自己, 其實都有幾分心虛咁架 ~

 

好多好多魚仔呀  ~~~

其實 HK . . .

→ Read More: HK : 日潛豬乸排、夜潛牛尾

HK : 由下雨潛到天晴 – 火石 & 牛尾

 

本星期繼續出海, 早上給雷响吵醒了, 下著雨還是開車前往西貢.

是日早上天氣不太好, 海面有浪, 最後還是出發火石, 到場才發現真係非常旺場, 計埋我地足足有 6 條潛船咁多 ~

火石這個地方, 其實真係幾靚架, 一排排六角柱石, 幾咁吸引的風景 !

 

 

 

 

往水中一跳, 下潛到 19 米, 能見度不算好, 3 米左右, 但也足夠我們慢慢去玩 ~

呢期最常去小洞穴前碰碰運氣, 看看找不找到 Goby 們, 今回俾我搵到條小朋友, 可能見我守住係佢門口, 即刻 O 晒咀 !

 

外星人要降落了 …

 

呢 2 隻野 … 有冇可以食到咁鬼大隻架 ?!

2 隻肥仔仲要迫埋一齊, 有點搞鬼 ~

 

 

是日水有多清, 你睇下我 Buddy 的身影有多模糊吧 ?!

不過呢度都算幾多魚丫, . . .

→ Read More: HK : 由下雨潛到天晴 – 火石 & 牛尾

HK : 連潛兩天 – Fun Dive @ 果洲 & 2017 Reef Check @ 海下

 

我已經整整一個月没有機會下潛, 趁著這個 weekend 就來個連日潛吧 !

Day 1 由西貢出發, 直達果洲群島.

第一潛, 我們下水於北果洲 !

 

事過一星期, 外潛式大藍水境況不再, 只得到是 1 – 2 米 visibility, 不禁大呼錯過了 !!

水質不佳, 也無謂深潛, 維持在大約 8 – 10m 左右, 欣賞一下水中小花園吧 ~

 (找到一堆卵, 但未知是何生物的, 看樣子似乎已經孵化 ?!)

 

冇咩影, 又學下人影魚魚囉  ~

Goby 真係好難等 … 又好難影, 好在相四中那條 Goby 見光都唔走, 任我影 ~

 

 

 

蟹仔我都唔放過 …

我笑說這個 dive, 我們 70 鐘都徘徊於 2 條 Goby 之間 …

 

放飯, . . .

→ Read More: HK : 連潛兩天 – Fun Dive @ 果洲 & 2017 Reef Check @ 海下

HK : 晴雨交加的兩潛於 海下沉船 & 赤洲

 

一星期一度的潛水日, 一心期待著好天氣, 這天卻有點反覆無常, 剛剛還在陽光普照, 轉眼間卻來個傾盤大雨 …

雖說潛水不介意下雨天, 但總是期待著出海會有好天氣的嘛 ~

没關係啦, 是日我們又跑到漁排去 … …

每一回看到漁排上的貓貓, 都有點羡慕牠們那種慵懶的模樣, 好 Hea 卻又好嘆哦 !

 

是日第一潛, 竟然是出名水濁的海下沉船哦 !!

剛下水那一刻, 水真非常的濁, 很多漂浮物, 心想下潛到底都應該要摸著來潛 …

怎料下潛到 12 – 14 米左右, 能見度竟然有 2 米, 不過水溫則降至 23 度, 潛下潛下都真係有點冷, 還好這潛真係好多兔兔影咋 !!

呢度真係好鬼多魚, 大大小小都有, 總是圍在我們身邊團團轉 …

呢一潛玩左 60 分鐘, 凍到震住上番船 … … 好凍哦 !!

 

 

 

 

. . .

→ Read More: HK : 晴雨交加的兩潛於 海下沉船 & 赤洲

HK : 兩支三地 – 白腊仔、甕缸 & 牛尾

 

隔左個星期再去潛水, 剛好遇上了下大雨之日 …

其實去潛水呢, 落唔落雨都唔太大關係, 反正都係會全身濕晒架啦.

但係 … 回程羅車時, 都令到我全身濕透, 我真係覺得自己係水面仲濕過係水底囉 !!

 

是日我們出了白腊仔, 不過成程又係好大湧, 結果潛了一個連飯都唔開, 上水即閃 !

就係呢一潛, 跟隨了我 14 年的潛水錶, 出現了朋友曾預告過的 certify 表徵, 我想它夠鐘要退役了 (當然我會再帶佢去俾人檢查一下).

不得不說在這兩年內, 我整套潛水裝備唔見的唔見, 壞的也壞了, 家下連潛水錶也要罷工了.

是日能見度有多好 ?! 看看相片就知道,  typical HK 水質哦 ~

 

 

水質麻麻, 但都搵到野影下丫 ~

其實 HK 水域都多野影架, 不過要考下眼力, 又考下膽量咁啦 …

忍得到濁水, 自然樂趣無窮, 而且是日濁處未算濁喎 !!

 

 

呢隻蟹我叫佢做肥仔蟹 !

肥嘟嘟咁都硬要往凹處塞, 但又生著對邪啤眼, 樣子實在非常滑稽 !

佢實在太得意, 令我係度同佢玩左好耐 … …

 

第二潛, 係我地停留吃午飯的地方 - 甕缸 !

落去除左好多垃圾, 真係咩都有, . . .

→ Read More: HK : 兩支三地 – 白腊仔、甕缸 & 牛尾

HK : 兩潛於 打浪排 & 獨牛

 

這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !

我地本來仲擔心要取消本星期的 Fun Dive, 結果 … 個日曬到傻哦 ~~

今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.

唯獨黃石出船, 開車入去就要有俾人炒牌的心理準備囉 !

是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信  ?!  陣間睇埋個 Video 啦, 兔兔在玩大風吹 ~

 

第一潛水溫很好, 27 度水, 一點不會覺得凍 !

最深去到 15 米, 玩了 50 分鐘, 左搵右搵找兔兔 …

係呀 … 我其實齋對兔兔有興趣架咋, 結果只找到 2 款 ~

 

 

 

今回打浪排都算幾清, 而且仲幾多魚下.

相二的唔係微粒黎架, 全部都係躲在海刺附近的魚毛仔 …

 

. . .

→ Read More: HK : 兩潛於 打浪排 & 獨牛

HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

 

這個端午節的天氣比預期的好, 那就跟同事們去行下我最喜愛的山徑 – 麥理浩徑第二短 (短線版)  ~

這條路線以往也曾走過, 今回的行程基本上跟上回是完全一樣, 就連行完山後的下午茶, 我們也去了同一家餐廳 ~

HK : 再來 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

起點於西灣亭, 下車後慢步前往西灣村 ~

最近發現不少山徑附近的茶水亭遭人投訴, 一向售賣的熱食全没了, 我有點擔心這條路線上的食店也中招.

還好, 我一向最喜歡幫襯的那家海邊茶座仍在, 那碗薑汁豆花依然好味 !

 

走過了西灣, 這裡似乎比以往熱鬧.

以往那不定時開出來往西貢的快艇, 如今越來越多人乘坐, 價格比以往似乎便宜了, 有興趣可以致電查詢.

 

翻過了山頭, 望見了蚺蛇尖, 其下方就是鹹田灣.

遙望大海, 竟然讓我發現了前一晚才登上過的潛船, 看來是日潛友們去尖洲玩喎 ~

去年大雨沖毁了的獨木橋, 如今已經復修了, 依然是那麼有特色 !

 

午飯, 我比較喜歡到大浪村的興記, 反而鹹田灣那海景士多, 我相對較少幫襯.

下回我倒想一試離興記不遠, 好像名為文苑的那家, 每一回都因為先經興記, 而忘了尚有一家士多在村中.

興記的出品普通, 但勝在有人情味, 跟老闆及老闆娘聊聊天, 也是一種享受.

 

在蚺蛇尖山腳下, 我跟這隻蟬相遇了.

為怕牠成為其他山友的腳下忘魂, 唯有幫牠移動一下.

 

去年山泥傾瀉地點, 山徑已經被清理出來, 但山坡還是有點破爛, 看來今年雨季一到, 路徑很有可能再次被覆蓋.

大家行山前要留意告示了 . . .

→ Read More: HK : 重遊 ! Hea 遊短線麥理浩徑第二段 (西灣 – 鹹田灣 – 赤徑 – 黃石碼頭)

HK : 黑雨後的夜潛 @ 孖排 & 威士忌

 

本星期放工, 我快快手開車入白沙灣, 跟朋友們齊齊來個夜潛 !

這晚 7:30 開船, 四級風下, 出到海都真係幾大湧下, 快快手 set 架生跳落水好了 ~

第一潛, 係去左孖排 ! 我真係未去過呢度, 仲有個咁得意的名, 我開頭以為呢度有 2 個孖住的漁排添 … 呵呵 ~

是日水溫 25 度, 淺水頗清, 但一過了 10 米以上就開始混濁.

 

冇諗到, 只用三防機都可以影中呢隻蝦仔喎 ~

睇下淺水區都真係幾清 ~

 

有唔潛水的朋友, 成日問我夜潛究竟係點架 ?! 係咪好恐怖架 ?!

今回就影下係黑麻麻的環境下, 就靠一人一電筒去四圍搵野影.

其實我地潛慣左, 反而會鍾意夜潛多點, 環境平靜點, 人又少一點, 動物又 calm 一點, 唔錯架 ~

 

. . .

→ Read More: HK : 黑雨後的夜潛 @ 孖排 & 威士忌

2017 回歸第一篇之 HK : 夜潛獨牛

 

 

大家好嗎 !? 我番黎啦 !

算一算, 呢個 Blog 都被荒廢左接近 5 月個月了, 時間還過得真快哦 !!

對於回歸第一篇文, 我一直決定不到該由那裡開始, 但昨晚剛去了一回夜潛, 就已經得到一個最好的開始.

回來才一個星期, 我已完全回到以往的日常之中, 除了已經開始去上班, 還有遠足, 潛水, 看演唱會 及 在家搞 party, 通通在剛剛的一星期內做過了.

是哦, 早說過我是非常貪玩的啦 ~~

=================================================

 

昨天, 是我半年假後的第一個工作天.

剛開始的那幾小時, 我都處於迷惘狀態之中 …

不知是幸還是不幸, 昨天實在是有點忙, case 接 case 之下, 就不得不趕快進入狀態, 順利完成第一個工作天 !

下班後, 愛玩的我就開車入西頁, 跟 Buddies 們會合, 齊齊食過晚飯就準備出動 … (呢個雞飯真係幾好味, 唔怪得咁多人黎都係點呢樣 !)

夜麻麻入黃石碼頭真係要打醒 12 分精神, 勁多牛牛係出現, 仲有小牛安坐於馬路上, 回程仲有野豬衝出黎, 都真係嚇左我一跳 !

. . .

→ Read More: 2017 回歸第一篇之 HK : 夜潛獨牛