回岸以後, 已是中午時份, 先到 Milford Sound 唯一一間的 Cafe 食午飯, 哈! 食物就係 Canteen 水準, 價錢嘛 … 算把啦 ! 如果想慳番錢, 都係最好自備食物啦, 而且我地架車仲剛好用晒電油, 明知油錢貴都要入左先, 唔係我地點可以一邊玩, 一邊慢慢開車回程呀 !
Milford Sound 有自己的小型機場, 可以坐飛機遊覽 Milford Sound, 我地就冇緣去玩啦, 只見到一車又一車的旅客到達, 特別係日本遊客, 似乎佢地特別有興趣坐一轉飛機咁喎 !
回程路上, 風景當然唔錯啦, 朝早要入 Milford Sound 玩 cruise, 冇乜時間停低影相 ! 跟據旅遊書上所寫, 雖然車程只係 1.5 hrs, 但至少要預 3 hrs 黎行呢一程, 因為咁靚的風景, 實會不斷停低影相 or 走一下沿路的 side tracks 的 ~
~ 阿 Pooh 與 樹葉 的影子 ~
又再回到隧道前的山谷, 那兒有好幾塊殘留的積雪, 可以好近距離地接觸到雪 ! 一邊的山谷盡頭, 有一邊很壯觀的瀑布, 望過去以為很近, 但走著走著, 走了差不多 1 小時才到雪地, 路途還不算容易, 需要適量的攀爬, 不過我地到雪地邊緣就停下, 並没有走到瀑布之下, 只看距離, 可能還要走多 1 小時, 最主要的問題係, 我地跟本唔知入到去安唔安全呀 !!
又黎賣廣告 ?! 但我飲緊的係水喉水黎架喎 …
回望起點, 嘩 ! 乜走到咁遠架啦 ?!
呢張相真係 …. 腳板凍到僵呀 !!