經過一整天的活動, 半散的我還未願意回營, 將車往海邊方向的小路開去, 沿途人影唔多, 只是間中有一兩架車駛過, 但於這條小路上, 卻發現另有一番景色 !!
車駛經過一個名為 Peak View pt 的小爛地, 前方一大片平坦廣濶的草地, 遠遠的山脈間, 就是 Fox Glacier 啦, 都望得幾清楚架 !
到 Peak View pt 前, 我駛入了一個小分支, 呢度有一個小湖 – Lake Matheson 及環繞四周的叢林, 此處比起其他景點, 可能顯得平平無奇, 但卻勝在寧靜, 如若想閒逛一下, 可預留 1 小時沿湖走一圈 ! 我還拍為 NZ 的鴿子拍了張相, 比起 Aus 及 歐洲的, 呢隻未免巨型了點吧 !!
繼續前行, 見到了如此 3 合 1 的警告牌, 真係有點心虛, 但真正駛過之後, 我非常明白呢個告示版的重要性 !! 因為我就於呢條小路上, 於回程上急彎之時, 差點與下山而來的快車迎頭相撞, 當我地相方緊急剎停之後, 2 個車頭相差的夾位, 大約只有一個拳頭左右, 嚇得我出了身冷汗, 繼而火起想罵人, 但對方片刻不留地立即開車駛去, 想來他亦自知理虧, 開車逃去 !
經過大約 20 mins 的又多彎又偏斜的下山窄路, 終於回到平路, 於眼前的是一橦樓房, 門外是幾隻自由放牧的綿羊, 怕是偏僻如此地, 都没有什麼人會來偷羊啦, 羊群亦冇乜選擇, 要吃草就要留在原地了 ~
再繼續向沙灘走, 這兒還是一個 campervan site, 遊人不多, 海灘一片平靜, 還是一個欣賞日落的好地方, 可惜這一日我已玩得很累, 坐於沙灘久了也想入睡! 有趣的是, 我竟於如此鳥不生旦的地方, 遇到一同前往 Doubtful Sound 的 couples ! 匆匆打了招呼, 我才慢慢回程, 但不要以為就此別過, 我與他們還有一次相遇機會, 互相忍不住說句, 非常有緣 !
最後, 還是早點回程到 Franz Josef 的 YHA 吧, 是夜要早點休息, Next day 又是一個體力勞動的日子 !! (補回一張往 Franz Josef 的路上雪山景 !)
