某年, 曾說過第一次的小巨蛋, 我要留待去看陳綺貞的演唱會, 原以為這個目標不會那麼快能夠達成, 誰知道今年就是她的 20 周年紀念演唱會, 慶幸最終成功換到了演唱會門票, 能夠親身在現場感受一下邪教般的魔力, 不枉此行 !
今回尤如慣常的台北之旅, 到埗的第一件事 – 宵夜 !
從網路上找來了 “老貳樓串燒居酒屋”, 有見食評非常好, 而且裝潢甚有特色, 以老房子的格局為主調, 跟朋友在這裡邊吃邊閒話家常, 非常有家的感覺 ~
這店營業至凌晨 2 時, 真係幾夜到台北都可以有得食呀 !
老貳樓串燒居酒屋 FB Page : https://www.facebook.com/OLD2F/
此店為居酒屋, 本人卻不好酒, 幸好食物款式多, 質素非常之高, 真係碟碟都咁好味, 尤以炒小管 以及 炸麻糬最有意外驚喜, 講多無謂, 大家自己來試味吧 !
睇多兩睇, 我都想飛番轉台北再食過呀 !
Day 2, 一個月前已請台灣朋友代為訂座, 是日有幸享受一下 3 小時的 “hea lunch”, 地方就是隱藏在山野間的食養山房 !
事實上, 這餐廳在遊客界越來越出名, 還未到 12 時左右的用餐時間, 餐廳外的停車場已經半滿, 而當我們繞過魚塘走進餐廳大堂之中, 就會發現其實餐廳就在樹林之中, 望到的都是四週一片翠綠 !
不過大家要留意餐廳同時招待大小朋友, 因此若想要一個較寧靜的角落去用餐, 最好訂座時預先講低聲. 個人經驗是主大堂可以容納數個家庭在聚餐, 但同行小朋友們會東奔西跑並大聲尖叫, 整個環境立時變得很嘈吵 ~
食養山房 Webpage : http://www.shi-yang.com/tw/
這是我們可以安坐 3 小時的角落, 面向著一道落地玻璃, 可以清楚看著窗外的風景, 是很舒服也很養眼的一頓飯 !
頭盤先來一杯小果汁, 再來杏仁豆腐般的前菜配粟米湯 ~
接著是鹵蛋, 帶子 以及 茄子 !
這盤美食賣相非常精緻, 而食品味道很出色 !
另外 2 款卷物都幾特別, 也很有本地特色 ~
呢個湯, 就以一朵花來取勝, 但係碗湯其實好好味 !
我地食到去呢部份, 其實已經飽飽地架啦 …
點知 … 原來個甜品要更飽肚, 但又要係幾好食, 其實我係唔太喜歡以豆為食材的糖水, 但呢個配搭好味又有層次, 不過最大問題係 …. 我地已經非常飽 !!
完左 3 小時用餐時間, 我們來到二樓茶室參觀了一下, 環境要比剛用餐的地方更開濶, 就只被一片綠色包圍著 !
飯後, 我們在永康街閒逛期間, 遇上了二吉軒, 不得不欣賞係台灣, 即使只單賣豆漿跟豆花, 也可以把店弄得這麼有聲有色, 非常講究哦 ~
永康街 … 其實可以一逛, 要買野又或想食飯, 這裡都有很多選擇 !
終於來到陳綺貞的演唱會, 也是本旅程的主要目的 !
冇諗過, 換回來的演唱會門票, 都有咁好的位置喎 ~
大家對陳綺貞的歌曲有幾熟悉呢 ? 或者都係旅行的意義吧 ?!
自問我都係開始自己去旅行, 才開始聽她的歌, 或者變相這就是另一種旅行的意義吧 ~
我冇諗過佢會走到咁近我地架 !?
無論佢唱左幾耐, 我地都好似聽唔夠咁, 這是個總會令人很投入的演唱會, 怪不得她也笑說這是邪教活動 !
完左演唱會, 我見呢期去台北成日都係燒肉, 咁今回就去左小巨蛋附近的養心殿精緻鍋物, 主打一人一鍋 !
唔錯架喎, 食材新鮮但係份量非常大, 又海鮮又鮮肉, 兩個女仔真係唔會食得完架囉 ~
養心殿精緻鍋物 Webpage : http://www.shabu.com.tw/web/Home/Index?key=9562013185
Day 3, 出事了 !
玩完一晚卻又未病癒的我, 終於再次病倒了! 早上勉強跟朋友到附近的 Cafe share 了一份 Waffle 為早餐, 順道要買感冒藥食啦 ~
今回再試點水樓, 這裡的小籠包真係做到皮薄餡靚, 而今回食到的蔥油餅夠香夠酥卻不算油膩, 而甜品個金棗棘泥鍋餅煙韌香甜, 超正 ! 果然係米芝蓮店呀下 ~
點水樓 Webpage : http://www.dianshuilou.com.tw/
上機前, 最後一 TEA @ Nana’s Green Tea !
綠茶捲蛋 + 培茶 Latte, 正 ~
