HK : 逆之女 (Rebel Queen) vs 逆走100 (Rebel Walker)

今年我覺得自己真係好勤力呀 ! 就係呢 3 個月裡面, 我已經一連玩左兩場山賽 : 50km 的逆之女 (Rebel Queen) 以及 100km 的逆走 100 (Rebel Walker).

如果問我點解成日要咁去虐待自己, 我諗主要都係因為犯賤啦, 二來我都真係幾鍾意挑戰自己, 仲有就好想練好個體力, 實現未來登上幾大神山之目標 !!

1 月初的 Rebel Queen, 我第一回學人玩 50km 香港徑, 賽前訓練就唔算好多, 但至少之前分 2 次走齊了 50 公里, 因此對賽道多點熟悉 ~

比賽當日天氣不差, 没下雨氣溫也不太熱, 50 公里設有 4 個 check point, 每個 CP 都有打氣義工加豐富小食, 非常好招呼 & 服務, 真心要感謝大會工作人員及義工們 ! 哈哈, 呢一個賽事我發現原來我最愛吃香蕉, 呢場我分次咁食左 6 隻, 期間實在忍唔係要問問同事, 我究竟食左幾多鉀入去, 會唔會 overdose 架 ?!

當日頭 20km 雖然山路較多, 但引水道石屎石路也不少, 正好用來小跑下追時間, 因此頭 20 公里算是走得較快的. 不過當進入第 20 公里以後, 兩腿開始帶點小抽筋, 不能再全加開 turbo, 只能以每小時6 – 7 公里左右的速度去完成, 賽事後段確實有點悶, 又没有怎麼遇到其他跑手, 唯有自己邊急行邊放空了 …

感謝途中有位師姐的鼓勵, 說快走多幾步就可以趕及天黑前完賽, 那就可以連頭燈都不用了 !

結果真係天黑前到達盧吉道, 但最辛苦的並未過去, 原來終點位於柯士甸山遊樂場, 係要跑上山架 ! 好在 … 趕埋呢一程就完成賽事了 !

最後以 8 小時 40 分鐘完成賽事, 總算對自己有個交待了 ~

第二場係 3 月中的逆走 100, 亦即係逆走麥理浩徑的 100 公里賽事, 老實講呢個賽事的周邊產品相當唔錯, 因此都俾左錢買番幾件 ~

由於 1 月完左 Rebel Queen 之後, 我接連病左 2 回, 夾埋都大約有 3 星期, 真係冇乜時間練跑, 就算 weekend 練山都總因為天氣不穩定而 cut 短左, 因此賽前我係冇試過完整走齊晒 100 公里架 ! 而實在逆走跟順走, 風景感覺大不同, 平時順走的辛苦位, 在逆走中反而會輕鬆左, 掉番轉呢就有好幾個平時冇為意的路段, 原來逆走是那麼辛苦及花時間架 !!

當日一早到達起點, 四處閒逛, 八卦一下, 反而冇乜為起步而作準備 …

唔準時咁差唔多 8:35am 先起步 … 但情有可原丫, 邊想到有咁多跑手起步前要裝水呢 ~

好強大的義工團, 100 公里竟然有 10 個 check point, 個個 check point 都人材濟濟架, 而且食物整體多選擇而豐富 (真係站站都有可樂飲 !), 真係衰 d 講, 冇 support team 都唔會死呀 ! 咁當然有朋友帶叉燒飯 & 吉野家黎, 真係一件好幸褔的事, 走到死下死下有碗熱辣辣的飯食, 真係好正囉, 多謝晒我地的朋友團隊呀 !