呢期既然郊區迫爆了, 我們反其道而行, 衝出中環吧 !
先去見識下最近新開的 Doubleshot by Cupping Room ! 我就一向有幫襯開 The Cupping Room 的, 新地方唔錯, 面積比那幾間原店要大, 因此可 hea 空間多了 (不過枱唔算多架喎 !).
今次我地就只係飲左杯野, 未有機會試野食, 咁留番下次再試過啦 !
Doubleshot by Cupping Room Openrice Review : https://www.openrice.com/en/hongkong/r-doubleshot-by-cupping-room-central-western-all-day-breakfast-r659673
HK 島真係有好多條路線可以行上山頂架, 每次都可以砌出唔同組合, 今次我們走了平時下山的路線 – 舊山頂道, 而每一次行經山頂纜車白加道站, 都覺得呢個站好有 Feel 架 !
大家有幾耐冇見過咁清靜的山頂廣場呀 ?!
上到山頂, 不可以不走的盧吉道 !
呢條簡直係 HK 重要的 Scenic route 黎架, 尤其個夜景, 我專用黎招呼外國朋友架 !
當走到盧吉道之盡頭, 轉落克頓道, 就會接番去旭龢道架啦 !
既然咁近西營盤, 又行到有點肚餓, 咁仲唔係搵食好機會 ?!
難得同行朋友又係食得辣之人, 最好陪我去食下咖哩啦 !
今次找到了 Momo N Curry, 入去到先知係食尼泊爾菜, 餐廳內一個客人都冇, 但又無阻我地繼續入內幫襯喎 !
最吸引我地的係餐牌第一版, 當地係街頭小食嘅 Pani Poori，個辣汁先係精髓, 吃時先將辣汁倒入脆圈圈內, 再一啖咁放入口中, 突然所有野在口中爆發, 即使已要了小辣, 但那遲來的辣度還是麻了我的舌頭 !
接著是從未見過其他餐廳有嘅 Tandoori Momo, 點了雞肉的, 饀料紮實, 外脆內軟, 還得點一點那個特色醬料, 真係從來未食過呢種口味架 !
下次要約多幾個朋友黎, 試多幾款 Momo 先 !
呢度的 Pulau Rice 唔會太油, 香料味剛好.
這裡没有 Naan, 只有 Roti, 還可以的不算太油.
以上 2 種最適合配這種口感豐富的咖喱式主菜, 而呢款口味較清新嘅 Chicken Kadai, 用上 Bell pepper, onion & tomato 黎煮個汁底, 比起用果仁 又或 乳酪為材料的, 會較合我的胃口 !
一個黃昏行夠食夠, 經過了西營盤站, 還可以影多幾張壁畫先收工 !
