呢期多左行梅子林附近的路線, 除左前兩篇介紹的 鹿巢石林 & 茅坪古道, 仲有呢條名字帶點古怪的 – 大腦古道 !
若要前往大腦古道, 得先從其他山徑接上, 其中一個入口就由麥 4 (麥理浩徑第 4 段) 嗰邊轉入去, 因此我地就由基維爾營嗰邊起步啦 ~
逆走麥 4 的感覺有點陌生, 當走過了黃涌石澗附近的十字路口之後, 留意那個頗為隱蔽的入口, 亦就是大腦古道的起點 !
窄窄的山徑, 彎彎曲曲的, 部份由大石所舖設, 真係好有古道 feel 的 ~
沿山徑而前進, 直到遇上一道又高又濶又整齊的石牆, 那就來到荒廢了的大腦上洋村 !
我們沿梯級而上, 走進了廢村探索一下, 途經數家村屋遺跡, 有感當年呢條村落都應該唔細架喎 !
石牆與大樹的共融 ~
大腦原來也有心臟的 !
呢個位置好有打機場景 feel !
山徑一角的風景 !
來到大腦之後, 會見到相中的宗祠, 之後沿著古道伴著大腦石澗繼續下山, 最終會接回去蠔涌路 !
呢段路都真係好靚下, 穿梭在翠綠寧靜的茂密樹林之中, 感覺好舒服 ~
最後沿大藍湖路接上飛鵝山道, 下山後自會找到交通工具 ~
路線 II : 由黃泥頭起步, 沿著往石芽背方向上山, 自會接上麥 4 那邊的大腦古道入口 !
呢個 view point 風景都唔錯架, 經過時唔好錯過啦 ~
重回大腦上洋 !
有 310 多年歷史的關帝廟遺址, 附近就放左 2 個古老石磨係度 ~
回程我地原路離開, 再次回去黃泥頭, 剛好趕上是日的日落 !
