上集我地去大嶼山尋鎢礦唔成功, 本年度再次 mark 好地圖先出發, 今回條路線有點唔同, 改由東澳古道的另一個分支上山 !
路途上, 我地經過呢條景色非常優美的小溪 … (但真係勁多蚊 !)
上左第一個山頭, 面對係山火燒過的痕跡 …
或許因為木林的消失, 反而礦場辦公室的遺跡更顯現左出黎, 比起上次到訪之時, 搵多左幾間建築物的遺趾, 連另一個類似灶頭的東東都遇到了 …
繼續往山上去, 往海拔 380m 進發 … …
站在這個位, 再次望住機場, 我地想出門遠行的渴望全顯, 就連望住架飛機起飛都勁興奮囉 !!
山上的野生杜鵑, 彷彿生在石縫之間 …
上盡了來到呢個山頭, 剛好可以望到港珠澳大橋, 就係要搵山路落鎢礦洞口了 ~
由呢部份開始的下山路段, 山友們要特別留意, 下坡斜度有番咁上下, 較為跣腳的, 行唔慣山的朋友就要落得小心點啦 !
第一重的山洞, 只係一個淺洞, 望一下隨意拍張相, 就可以繼續落去下一層 !
第二重係一個左右分差礦洞 … 一邊係碎石洞, 另一邊已經儲有積水 …
第三層係上下 2 層洞, 上層我地沒有攀爬入去 …
呢層礦洞影入去都幾靚, 幾有層次的礦洞風景 …
下層就比較潮濕, 越入就越多積水, 最有趣係呢度洞中水潭, 原來係青蛙們的養育場, 同場就見到有 2 款青蛙, 仲有水中的大大粒蝌蚪添 ~~
接住, 我地經過了由被廢棄掉的礦石而組成的石河, 細心點去觀察, 當中有石英, 也有雲母 (Mica) …
第四層礦洞, 喺最底一層, 亦算係最高亦最峽長的一個礦洞, 最適合大家打卡的一個景點 !
走入洞內之後, 大家要多留意洞內上方有懸石, 所以入洞中並非無風險的 !!
還是同一句忠告, 入洞要小心, 安全至上 ~
探晒 4 層礦洞, 就可以沿洞邊的山路回程, 慢慢咁走番上山去 …
剛好仲可以睇埋白色的石縫野生杜鵑添 ~
隨原路返回至半山位置, 同行朋友們未去過辦公室的主建築, 那就繞道再訪一回, 順道向佢地介紹下那搶眼的 Fireplace !!
下山之後冇即刻返東涌, 反而落左去東涌灣個泥灘搵好嘢 !!
如果齋睇泥灘面上, 會搵到呢種生物的行動軌跡, 相中那尤如蕨類植物的 pattern 就是了 …
我地左看看右望望, 終於係水中俾我搵到没有埋在泥沙中的牠 : 7cm 濶的馬蹄蟹 ;
佢地有個好鬼難寫的名字 : 鱟 (音讀 : 后), 身份非常有歷史, 算來屬史前生物的輩份, 有著活化石的專稱 !
近近地影佢, 原來佢係有眼仔架, 圓圓的身體卻又帶點菱角, 確實係會令人對佢帶著無限之疑問, 不過能夠俾我地找到野生的馬蹄蟹, 都真係幾開心架 … …
下回, 我要再考一下眼力, 試試去找比手指甲還要小的馬蟹 BB !!
