由 Mousa 回到 Sandwick 之後, 都已經 5pm 啦, 我第一時間就先去 BnB 度報到, Haha !! 去 Mousa 之前都搵左一輪, 原來間屋企山坡上架, 唔怪得係 Town 入面搵唔到囉 !!
BnB 叫 Solbrekke, 屋主係一個貌似 50 幾歲, 實際上大好多的女仕 (請恕我冇記性, 已經唔記得點佢的稱呼啦 ~), 但原來已經有 4 個仔女, n 個孫架啦 ! 佢搬左黎呢度好多年架啦, 仔仔女女長大晒後, 有 d 出番 Mainland 打工, 有 d 留守 Shetland 做 d 小生意. 生活過得好 Relax 架 (我估因為咁佢 Keep 得咁後生咋 ! 屋主人好 Nice, 好健談架 ! 成屋由頭到尾介紹一次, 又知我要搵地方食 Dinner 特地四周打電話問餐廳有冇開, 雖然最後都係冇得係附近食, 因為間餐廳竟然會食物 Out of stock 呀 !
安頓好後, 就出門搵食啦, 據知最近會有餐廳的地方係一個叫 Spiggie 小 Town, 呢度有間小小的 Hotel, 位置算幾偏僻, 遠離大路, 一間白色小屋, 座落一個山坡上, 面向一個湖, 環境非常清幽 ! Hotel 有個小餐廳 + Bar, 地方小小, 但客人都算唔少, 一枱接一枱, 總算於客滿狀態, 而且大部份係駕車而來, 唔係住呢區架喎 …
Bar Tender 係一個好 Nice 的中年男人, 特地介紹 Today Special, 呢間餐廳每日都有一個是日海鮮 Menu, 捉到咩就賣乜架啦, 所以用料幾新鮮架 !! 我就叫左佢推介的 red mullet, 我係一個好怕魚腥的人, 只要魚一唔新鮮我實食得出架, 呢碟魚真係非常好食. 配料同 sauce 都好惹味, 份量仲好夠添呀, 一次 2 條 !! 我食完第一條都已經飽飽地囉 ~
食到飽飽, 又唔想即刻番 BnB 訓覺, 我首先駕車圍住個湖兜左一轉, 真係有點大得離譜 ! 跟住沿路回程, 中途係一個 BnB 屋位極度推介的沙灘停留散步, 呢度就係 Bigton 啦 !! 呢個沙灘特別在佢係連住一個島架 – St Ninian's Isle. 呢度水質十分好, 由山頂望向水面, 可以清楚見到 seal 的身影係水中移動 !
行夠影夠, 見天開始黑同霧開始聚積, 係時候番 BnB 休息啦 ~
隨街會有人售羊皮喎, 仲有 Colour 俾你 Pick !
中途經過的一個沙灘, 好接近 Bigton 架 ~
一條大直路, 真係好直好好片架 !!! (如果冇對頭車的話 !!)
Spiggie 小 Town, 只有唔係好多間民居係度, 面向一個湖
Spiggie Hotel, 附有一間 Bar + Restaurant ~
外來品牌 Vs 本地貨 !! 都係 Local 野受遊客歡迎 !
我的晚餐 : Red Mullet ~
Bigton 沙灘 + St Ninian's Isle
其中一邊灣的沙灘, 望向水中會見到 Seal 架 ~
相連小島一個, 是日未去, 明天會再闖小島!
回到 BnB 啦, 好攰呀 !!!!
我的閣樓"小"房. 好舒服架, 又好訓, 最重要有海風 !!