Boxing Day, 又係舖頭所謂大減價的開始, 我今年唔會再咁蠢去 Shopping Centre 同人迫餐死架啦, 所以今日我帶左阿媽去 Peak District !
第一站係 Bakewell, Peak District area 內其中一個大 Town. 有少少意外地見到好多遊客, carpark 亦都幾 full 下, 有半數的店舖都已經開門營業, Cafe 同 Fish n Chip Shop 的生意亦幾好, 至少我地行左幾間都冇位 ! 陪阿媽係 Town 度行下, 影下相, 又入去 d shops 度趁下熱鬧, 咁就消磨左半個下午 ! 間間 Shop 都話 Clearance, 但係我地只係買左一樣野 – Dried Fruits & Nuts ! 呢間野好抵呀, 全數半價, 平均 1 包 500g 的 Nuts/ Dried Fruits 只係 1 pound 左右, 所以買左一大堆俾阿媽番 HK 做手信囉 !! Haha ~
Bakewell 有一樣野係幾出名的, 就係甜到漏的 Bakewell Pudding 啦, 帶得阿媽黎, 梗係要試埋啦 ! 個Tart係一個用酥皮做的,成個好似旦撻咁, 入面的餡係好鬼甜的糖漿, 但又有淡淡的 Cherry Brandy 味. 可惜佢賣俾我地時係凍的, 我估熱食可能會好味 d …..
呢個 Town 又係有條河, 少不免我地梗係又沿河走走, 呢度的飛禽比尋日的還要多, 而且好多一家大細係度餵佢地食面包, 搞到 d 飛禽失晒控, 尤其 d 海鷗係頭頂亂飛, 好鬼怕佢一陣失驚無神係我地頭上"空襲" 呀 !
下晝 2:00 度, 我地又去 tea 一 tea, 今日 d cafe 終於有開, 我地選擇左一間意大利式 Cafe, 飲左一杯賣相十分討好的 Cappa ! 之後我地離開 Bakewell, 途經 Matlock Bath 時 (之前已經介紹過, 所以呢度只放一張相啦 !) , 又停一停低同阿媽走走, 隨手影左幾張相, 天又開始黑, 又是時候回程返家啦 ~
