2007 最後幾日 同 2008 的新年, 我同阿媽去左 Cornwall – , 位於英國最西南之地 (亦係 Land's End 所在), 三面環海, Coastline 又長, 風景又靚, 盛產海鮮, 係英國人放假好鍾意去的地方 !
雖然呢幾日天氣唔算好, 但亦算唔太過差, 總係陰天下間中有幾絲陽光咁. 我主要都係開住車, 四處兜風, 當然有幾個必到景點我都冇錯過啦 e.g. Land's End, Minack Theatre, Eden Project 咁, 但係我都有特地去幾個小漁村度影下相, 仲試左 2 間唔錯的餐廳 : 1 間係 Jamie Oliver 班o靚開, 位於海邊的 Fifteen 同 係 Penzance 開左 30 多年的家庭式餐廳 Harris's restaurant. 以上所講的野, 等我執好相再慢慢介紹 ! (張 SD card 後半 part 電腦竟然過唔到, 而家只可以係相機睇度到, 要諗下點整番 d 相出黎 !)
你睇下阿 Pooh 訓得幾開心, 就知間 B&B 真係唔錯 !!
未開始講旅程, 反而想先介紹我呢幾晚住的呢間 B&B – Tregoninny Farm & Woodland. 我實在太鍾意呢間 B&B 啦 !!! 佢位於 Truro 呢個大 Town, 但並唔係 Town centre, 而係要 off 左大路, 再沿一條爛泥路, 慢慢 drive 大約 10 mins 上山, 先會到達的, 講 location 佢真係夠晒僻靜 ! 我到達時係夜晚, 見到條小路, 係有一陣猶疑唔知應唔應該入去, 越走越陰森, 但係有如佢的路牌所寫, 真係絕對值得的 ~
由大路轉入小路, 就要上山. 有趣的係每走一段路, 就會有小題示出現, 鼓勵你再往上走 !!
BnB 係由一排 Farmhouse 加一個小 Cottage 組成, 從外表黎睇已經感覺好乾淨整齊. 門前當有另一橦大屋, 係 BnB 主人 Caroline 同佢的 Family 住的. Caroline 好 friendly, 佢一見到我地到達, 就即刻走出黎安排我地入房間, 仲盡量介紹埋附近有乜地方可以醫肚. 而早上的 Breakfast 都係由佢親自煮理架 !
入到房間, 所有裝潢都好新淨, 收拾得相當整齊又舒服, 由於呢間 B&B 係 disabled friendly 的, 所有的設計同設備都係適合輪椅使用者, 所以房間 (及浴室) 相對亦比較寬敞, 雖然呢 d 設備我用唔著, 但亦都十分欣賞呢一點, 話晒我大部份的 clients 都係 wheelchair user, 不自覺就會比較留意同支持下 ~ 由於位置偏僻, 加上時值淡季, 唔多人入住, 所以仲更清靜 !
另一邊廂, 我地的早餐會到主樓的 Dinning Room 度食, 呢個由牛棚改建而成的 Dinning room, 裝修相對比較清簡, 長長的房間擺放著幾張餐枱, 但係枱上的餐具擺設就絕對唔馬虎, 一大朝早就佈置得整整齊齊 ! 房的盡頭有一個火爐, 燒的係原塊木條, 令到整間房都充斥著淡淡的煙燻木味, 而且仲非常和暖 ~ Dinning Room 旁有一個 Conservatory (又叫玻璃屋), 入面放好一張又一張的藤製 sofa, 呢度亦有一個火爐, 坐係溫暖的室內又可以望到窗外的風景, 真係絕對適合英國的天氣架 !!
我係呢度住左 3 晚最 Basic 的 Double Room, 60 pounds 一晚, 以市價黎講係 average, 但間 B&B 有咁的質數, 就真係有點意料之外, 如果下次再黎 Cornwall, 都會住番呢間架啦 !!
