英國地震 ?!

尋晚英國半夜 1:00 竟然有地震, 係 24 年來最厲害的地震 (測到係 5.2 級). 大半個英國都感受到 ! 我呢尋晚訓訓下都有被震醒的, 但清醒感覺到時都已經震完, 所以我只係以為自己發夢, 只係今朝睇 news 先知真係地震, 哈 ! 我又真係冇諗過逃走呢個問題喎 ~ 我問過大部份的同事係訓到完全感覺唔到的, 咁知我住呢區個地震唔係新聞所講到咁勁, 但以英國呢個只要天氣有少少唔妥都 cope with 唔到的國家, 新聞必定報導晒呢度"冧"野, o個度爛地爛車咁的情況架啦, 不過最好笑係有人以為尋晚撞鬼添 ~   順手放上黎的, 係唔知幾耐之前 HK 便利店所出的 Winnie the Pooh 磁貼, 經老表同細佬努力幫襯下, 竟然有一大袋喎, 我早排將佢地帶左番 UK,…

自家製魯肉飯 Marinated Minced Pork over Rice

終於等到 weekend 啦 !! 由 HK 番左黎之後日日都要番工, 加上感冒未清, 真係都無乜精神去執野 or 煮飯呀, 好不容易等到 weekend, 我一口氣將屋企整理好, 將o係 HK 拍下的相 upload 上黎, 兼且補番晒最後個 week 的 HK 自由行網誌, 大家得閒可以 click 番黎睇架 ~ 煮食方便, 我就煲左個防感冒湯, 希望可以幫手清清菌, 令自己感覺好 D ! 食方面呢, 就用一盒 minced meat 煮左呢個魯肉飯, 傳統台式的煮法通常都用肥肉黎做, 但我就只係用 lean minced meat 黎煮…

以生病作結, 以藥作手信 ….

5 個星期的"回鄉"假期終於完結, 玩到筋疲力盡的我, 帶著 HK "最潮"的流感, 順利飛番英國, 隨身帶著的係醫生開的 5 包手信 (仲有 2 包係行李度, 醫生話要病好再食). 情人節o個晚開始病, 發足 2 日高燒, 燒到成身散晒, 四肢無力, 本來預算作 final shopping + 見朋友"最後一面"的我, 最終只可以訓係床上, 整日迷迷糊糊, 食的係流質食物, 我諗呢次的唯一好處係將我係 HK 增的磅一次瘦番晒 ….. 好在我總算係飛o個日退左燒, 勉強可以上飛機, 我好怕病住咁飛, 仲要飛咁遠, 12 個鐘零 44 mins, 跟住要轉…

Hong Kong – Fo Tan 火炭大排檔

火炭大排檔好多人都知, 拍戲都拍唔少, 但特登黎食的又多唔多呢 ?! 始終佢位置都幾吊腳架喎, 不過對我黎講就非常方便啦, 因為佢係正我住的附近, 加上佢有免費泊車, 想食開車落黎就可以啦 ~  大排檔劃分為 3 間 (由左到右) : 津津, 泰源 同德記, 津津早係 n 年前我已經 black list 左架啦, 不過我唔記得點解啦喎, 德記係屋企人比較常去的, 對佢的雞粥同糯米飯係幾欣賞架, 但今次我地反而去左少幫襯的泰源 ! 照舊一入去就即刻俾位你, o個日可能閒日兼天氣凍啦, 人唔多, 我地得 2 條友都俾張 6 人枱黎 ! 一口氣叫左雞粥, 炒蜆, 乳鴿, 炒菜, 伙計仲送多碟椒鹽豆腐過我地添 (不過我地最後冇…

Hong Kong – Causeway Bay 銅鑼灣 + Wan Chai 灣仔

呢日我終於有勇氣走去銅鑼灣啦, 番黎咁耐都冇正式踏足過的"鬧市" 呀 !! 11 點左右去到, 時間幾好, 可以唔洗排隊咁去"榮記"食車仔麵 , 入到去先知佢都係o岩o岩開門, 坐底望住佢張好複雜的 Menu, 我真係用左一些時間先可以睇明白佢的標價, 不過唔理啦, 我地各自叫左個四餸的面, 最好笑係寫單的阿姐, 佢好似未訓醒咁, 重覆我地叫的麵底同餸, 係可以一樣都唔o岩架, 開頭我以為係我講得唔清楚啦, 後來睇見隔望枱同佢拗上錯野時, 先知唔係講個有問題, 係聽o個個先係 …… 另外我地仲叫左菜同支裝忌廉, 嘩 ! 咁就搞掂一餐啦 ~   其實呢日黎銅鑼灣的主要目的, 係要番 UK 前買齊野, 番工衫啦, 鞋啦, 書啦 …etc, 總之係 Shopping 啦 !…

Hong Kong – Chet Lam’s Concert @ Star Hall + Kowloon City 九龍城打冷

呢日去左睇回港後第二場音樂會, 今次的主角係林一峰 ! 一向都幾喜愛聽佢唱歌, 特別鍾意佢唱 Live 時所表達的感情, 今次的音樂會所玩的音樂元素同類型好似比以往多 , 比起佢一人一結他又有另一種趣味, 而且舞台只以一幅白磚牆做 background, 用投影機將唔同的景物打上去, 簡單得黎又令舞台唔會太過單調.呢個音樂會入面, 佢除左主唱佢新碟的歌之外, 佢再次唱了 "重回布拉格" 同 "離開是為了回來", o係佢以前的音樂會 CD 中, 呢 2 首係我最喜愛的, 今次終於係 Live 度聽到, 依然動聽, 依然感動 …   睇完音樂會. 照舊走到九龍塘食 Dinner, 呢次我地試呢間 "新城潮州飯店" 打冷, 叫左 胡椒豬肚湯, 煎蠔餅, 鵝片,…

Macau Part II – 澳門一日遊

  去完威尼斯人行完街, 食完飯, 我地就開始無目的澳門一日遊, 講真就只係去細佬的住處同工作地方睇下咁, 不過中途我地都有去路環食熱辣辣的葡撻.   細佬住o係氹仔, 嘩 ! 係露台係可以望番去葡京同澳門旅遊塔, 如果天氣好, 個 view 都唔錯架, 可惜呢日的又氣真係差到 …. 一片迷濛, 乜都睇唔到, 真係令人失望呀 !! 不過當去到夜晚, 所有霓虹燈亮起時, 就真係好靚啦 ! 咁o岩呢期係新年假期, 澳門有某些地區有劃為可燃放煙花區, 係細佬屋企附近同葡京對出的海邊都係, 嘩 ! 真係好鬼嘈架, 不過影出黎真係幾靚架 … 以下係我拍下的幾張相 ~     到左晚餐都成 10:00 幾囉, 鬼叫午餐食到咁飽咩, 細佬帶我地去左氹仔一間叫峰景餐廳度食, 呢間野 menu 只得幾樣野架咋,…

Macau Part I – The Venetian Macau + ROKA Restaurant 澳門威尼斯人度假村

初五, 唔知死的我, 傻下傻下咁跟左阿媽同細佬佢地去澳門, 點知去到港澳碼頭時已經知死, 嘩 ! 條龍長到丫 ….. 好在世界上有網上預訂, 細佬即刻打個電話叫朋友訂, 終於可以免受排隊之苦, 順利上船到澳門, 但回程一樣煩, 細佬只可以訂到半夜 12:30am 的船票 ….. 由於工作關係, 老豆同細佬係澳門係有住處同車的, 所以一出碼頭 meet 埋老豆, 就可以到停車場取車, 又免左一場排隊啦 (聽說澳門而家好難截的士喎 ?!). 第一個目的地, 係去醫肚, 而我地神推鬼擁咁去左威尼斯人度假村度, 對上一次黎係 2 年前, 呢度仍然係地盤, 而家竟然變左咁大堆建築物, 真係不得不講一句, 中國起野真係好快手 …. 不過手工就真係麻麻,  d 裝修連…

Hong Kong – Tai Po 大埔煲仔飯

由於尋日玩得太過, 加上星期日的HK 到處都係人, 一整日我都hae係屋企冇出街, 直到下晝 7 點多要食晚飯啦, 天寒地凍, 冇野好得過食番個熱辣辣的煲仔飯架啦, 於是我捉埋阿媽開車入大埔食陳漢記啦 !! 我家以前都有食開呢間的煲仔飯, 我都好一陣子冇黎, 似乎多左好多人黎食咁喎, 唔知係咪雜誌的威力呢 ?! 我地差唔多 8 點到, 好多人等位, 但翻枱都算快, 所以都好快有位坐 (期間有少少混亂, 個侍應派飛但又唔依 No, 佢一個人跟本睇唔切咁多枱), 不過落左單就要等好耐先有飯到, 起碼有半個鐘, 所以千其唔好搞到好肚餓先去食呀 ~ 對於要等咁耐我係冇乜所謂的 (因為我去到時唔係太餓), 而且呢度的煲仔飯確實值得我等, 我要左個白鱔排骨飯, 白鱔又肥又滑, 排骨都好好味, 係自己衰一手倒太多豉油, 搞到太多飯黏鍋啦 !! 至於阿媽就要左個黃鱔滑雞飯, 都好好味架 !!!

Hong Kong – Lantau Island 大嶼山食齋 + Hot Pot Night 打邊爐

初三的早上, 我開左架車入東涌, 今日約左一班親戚一齊入大嶼山食齋. 一朝早的東涌十分清靜, 昂平 360 亦未見人潮 (嘩! 回程時見到條人龍好長呀, 之後係新聞報導話車票提前售罄添, 呵! 早知我都去玩下啦 ~), 係11 號大嶼山巴士站等齊人, 一行13人就出發, 先去觀音寺走走, 影下相, 跟住 11 點左右再去靈隱寺食齋. 好耐冇坐大嶼山巴士啦, 巴士感覺新淨左(但其他人唔同意喎 !), 單線雙程的路線依然難走, 不過沿途所見, 似乎起緊新路喎 ! 有點意外係由東涌入大澳要 $18, 感覺蠻昂貴呀 … 到左觀音寺, 好典型的廟宇設計, 最適合我影低相, 再番去同同事分享一下啦, 所以我好盡情咁係度玩自拍, 互拍, 同影大合照啦 ~   之後我地行到去靈隱寺,…

Hong Kong – Shatin 沙田

年初二, 悠閒的我已經唔洗去拜年啦, 咁我就去左屋企樓下的沙田新城市食番個 Lunch ! 番左黎都有 4 星期啦, 但真係冇乜點黎呢度, 即使去都只係揀閒日放工前, 星期六日我係一定唔會去架, 只係泊車都要排隊, 你可以想像個商場有幾多人啦 ~ 呢日我差唔多 1pm 去到, 去左 2 年未去過的 Pokka Cafe 度食飯, 只見佢舖位搬左去對出的廣場, menu 都係 updated 過, 多左幾款唔同的鐵板食品, 是日 set lunch 都有 2 個鐵板餐, 唔少顧客都有 ordered, 但我反而要左個 日式咖喱炸蝦飯, 而老表就叫左 韓式牛肉泡菜炒飯, 另外叫左 2…

Hong Kong – Mong Kok 初一的旺角

大年初一, 一早就入屯門同婆婆拜年, 仲有就梗係去食婆婆的出品, 最受我地歡迎,  非常好味的南乳炒齋啦, 連我個排骨細佬都會因為咁肯食番碗飯呀 ! 食過開年飯, 坐低飲番杯茶, 開始等各家親戚自動送上門, 不過等左 2 個鐘左右, 我開始發呆, 加上婆婆家只有一座暖風機, 我同細佬直頭縮左o係o個度唔郁, 因為我同佢都係慣左有暖氣的人, 我地慣到咁凍的(英國)天氣, 但絕對唔可以冇暖氣架嘛 !!! 就係咁我下晝決偷走番屋企, 等夜晚夠鐘先再番去食團年飯, 不過中間呢想襯住旺角今日會少人d, 所以出左去行一轉, 今年番黎都未去過旺角, 我真係仲未有咁的適應能力呀, 好在呢日出去的人流仲算接受到, 所以即使好多店舖都未開, 我都可以安安樂樂咁行 2 個鐘, 我仲食左 d 街頭小食添呀, 有 牛雜, 炸大腸, 咖喱魚旦 同 炸魷魚鬚…