睡了非常舒適的一覺, 醒來時已錯過了日出, 隨便梳洗一下, 廚房已經佈置了簡單的早餐, 奉行 self serve system, 沖了杯熱飲, 拿了碗 cereal, 之後再炕塊多士, 慢慢歎一下, 嘩 ! 有幾何可以係咁靚的環境下食早餐呀 ?!
當朋友們食多士之時, 威迫利誘佢地試一下 vegemite (AUS / NZ 的叫法, 英國叫 marmite ), 佢基本上係整啤酒的 by product, 如同榴槤一樣, 一係鍾意食, 一係就勁怕隻味, 而我基本上係算勁怕o個 group 的 !
食過早餐後, 爭取享受最後一段回程的風景, 可惜經過一晚, 霧水打濕了我最愛的 "Sun Deck", 唯有站於船頭食風啦 !! 回程時就見到另一艘遊輪, 可以載客 50 人的, 睇網上旅遊 review 所寫, 佢地的行程都唔錯架, 但依然比較喜歡我地的小船 ~
回到小碼頭, 收拾好行李就準備離船, 但我地仲係度等, 等咩 ?! 你地睇下阿 Pooh 係度做乜 ?! 佢賴死唔肯走呀, 訓係暖爐做乜鬼o者 ?!
入 Doubtful Sound 得一條路, 咁要出番去, 就要走回頭路, 一樣係先坐 van 過 West Arm, 再轉小船過湖, then 轉 van 先可回到泊車的 Holiday Park !! 唔捨得回程的我似乎又病發啦, 竟然無聊到走去扮截車, 難得 Captain 肯同我癲喎, 笑到其他團友死 ~
我地取回車後, 先提醒朋友們匆匆收拾好行李, 準備等一下回到 Queenstown, 一起食過午飯, 我就送佢地到機場, 佢地將先回 Auckland, 第二天再回 HK !
回程時間剛剛好, 並未太過匆忙, 還當有機會中途停下, 讓他們爭取影多幾張 Final shots !
回到 Queenstown, 我地一心想試下團友們提過的 Fergburger, 呢間 Burger 店可謂非常出名, 算係呢度的 landmark, 始乎好多外國遊客都知道呢間店, 可笑的係我地只知太約讀法 (真係聽番黎架咋 ~), 跟本唔知全名 or 間店係邊, 咁我唯有跑入 TIC 問一下啦 ! 哈 ! 難得個 staff 又明我問乜喎, 仲指示埋我地點去添 ~
不得了! 店小小但生意非常爆, 由內到外的座位並不多, 但外賣客卻絡繹不絕, 由我地 Order 到食物到手, 都要大約 30 mins, 即叫即整, 即叫即炸, 一人一個 Burger + 飲品, 另外叫了一個洋葱圈, 嘩 ! 個 Burger 份量十足, 怪不得要 NZ$ 9 一個, 一個已經塞飽我, 仲多了個洋葱圈添 (附 sour cream, 都好好味 !), 搞到食唔晒帶走, 最後成為我的 light dinner !
食飽飽, 又到分別時刻, 我送佢地到 Queenstown 機場, Say 個 Goodbye, 我地 HK 再見啦 ~ 好可惜唔可以同佢地玩足全程, 雖然我都慣一個人去旅行, 但有 d 活動係要有同伴先好玩架嘛 !!
鴨鴨, 你記主你仲差我半個 NZ Trip, 另加一程我應份有的, 前後 1.5 個 Trip, 幾時還先 ?! 呵 ~
