本星期運動量十足, 早兩日上了大東山, 尋日就潛了一整天水 (由於回家太晚, 未有時間整理水底相, 之後再寫網誌), 今朝我係訓左不足 6 小時的狀態下, 跟朋友們齊齊去跑香港街馬 !
賽事之前, 我們已先取選手包, 今回的大會 Tee 很可愛的, 而且還有動物耳朵, 因為今次的主題係 Jungle Run 嘛 !
Hong Kong Streetathon Webpage : http://cstreetathon.runourcity.org/zh/
今回香港街馬於中環舉行, 知道會有封路措施, 我就去左 elements 坐車過香港站.
我們一行四人由於報名時填寫了不同資料, 結果出現了不同起步時間呢個問題, 結果我是最後一批跑的, 卻又得早點到場, 咁唯有四處逛逛又拍拍照 ~
早上來時, 比實跑道當在整理中 … …
看著那條賽道, 感受著那只算早上太陽的酷熱, 心想 … … 今回死得啦, 實熱死啦 !!!!
入場後, 大家先去整理及寄存行李 !
隊中兩位隊友會先起步, 所以先跟他們去起步區 … …
第一批跑手, 準九時出發, 今回這個活動, 人流控制真的處理得不錯, 由行李寄存到起跑, 過程都很流暢 !!
我想, 應該 HK 搞手有很多舉行馬拉松的經験吧 !
我是早上十點才起步的, 反正閒來没事, 便四處逛逛囉 !
這個街馬是附設嘉年華的, 參賽者憑號碼布可以直接入場, 而每位參加者都有額外的入場卷, 以供打氣者入場支持 !
我跟朋友都没有來打氣哦 … … 不過我都俾左入場卷契女一家, 唔知佢地用唔用得著呢 ?!
魚 ! 魚呀 !! 魚魚呀 !!
我諗我熱到傻左囉 ~
要影合照的, 就得去排一下這些畫板 ~
今回都有滑梯玩, 不過 … … 我跑完後實在唔想排隊了.
到我啦, 到我去跑啦 …
到起步那刻, 其實我都已經晒到好熱, 還好起步那刻未算人迫人 ~
頭 1 km 比較慢點, 人太多, 個個步速都很有差距 ~
唉 … 一上一下出入隧道最累人, 就算係小斜都咁話 !
2 km, 向 ifc 方向走最有看頭, 不過 … … 呢條路其實要跑兩回的, 所以跑緊第一回時已經有熱死的感覺 !
跑到黎呢度, 我正式收起了相機, 因為要專心地去跑了.
一來天氣太熱, 我每到水站都要往身上倒水降溫, 一杯倒一杯飲, 結果係某水站隨手拿了杯往頭倒, 再拿了杯喝時才發現是保礦力來的, 哈哈 … 甜死了 ……
二來太多人是行而不是跑的, 其實要行也無可厚非, 不過真係唔該行埋一邊, 唔好一字排開咁行.
行的參加者頂住晒其他跑手, 要我地左穿右插其實都好危險架, 而且還被打亂了步速, 跑得再辛苦了點.
還好, 最後我們一行四人成功完成 5 km, 時間大約 35 – 40 分鐘左右啦, 我地都等緊佢過幾日出的成績表 ~
跑完那一刻, 真有少少中暑的感覺, 結果要找個有陰頂位的地方休息, 實在係好熱呀 !!!
睇番天氣報告, 原來我地係 32 度高溫下玩街馬, 真係難為了帶小朋友們來參加的家長哦 ~
相中的, 就是我們完成比賽的小奬牌 !
現場有長洲芒果糯米糍賣哦 … 咁梗係食番個先啦 ~
由於這幾天來體能真的被用光, 加上正午時份實在太熱了, 我們跑完後只在嘉年華逛了一會, 就離開了.
離開時剛好是青少年組在比賽, 忍不住也在場邊為他們打氣 !
在此又要多謝一班在比賽中很落力的義工們, 多謝你們的打氣, 安排 及 支持, 有你地我地先可以跑得咁開心同盡興.
我地跑的都只係晒左個零鐘, 你地就要晒足成個賽事, 辛苦晒了 !!
回到 Elements, 見到有好多糖果熊啤啤哦 ~
是日勞動完畢, 我要回家補眠哦 !!!
個牌幾可愛喎.
係呀 ! 真係幾可愛架 ~
我都有跑喎!
你一定好快搞掂 !
我跑步都係麻麻地 ~
你簡直係女鐵人….@@
個牌幾靚喎
有排都未係啦 !
我只係太貪玩了 ~