HK : 古怪的摩星嶺

 

呢個星期我與一班朋友, 玩了一趟簡易的遠足, 第一回來到聞名已久的西環摩星嶺 !

我們有點偷懶, 不想行太遠的話, 坐的士直達摩星嶺徑的起點 ~

沿著石屎路而上, 基本上不會有什麼支路的, 期間可以選行相中的長樓梯, 或是沿車路走, 皆可以直達 YHA !

呢間 YHA 望落去非常唔錯, 好想去租住一次呢 ~

 

就在 YHA 的右方, 可以找到摩星嶺炮台遺趾的一部份, 當中的那道令我們尤如身處碉堡中的石梯, 還真有點陰森 !

拾級而上, 就是摩星嶺上的大草地 ~

 

講真, 真係冇諗過星期六的上午, 會有一對男女在草地上煮公仔麵, 仲要係冇紮營架喎 !?

見到都要諗下問唔問朋友睇到冇 ?! 皆因摩星嶺出名 2 樣野 – War game & 撞鬼 !

還好我們沒有遇到後者, 但前者就剛好在軍營內相遇了.

 

 

 

這班 War game 友算是禮貌的一群, 未開 game 前都讓我們通過, 好讓我們可以參觀一下舊炮台 及 軍人宿舍 !

其實呢度有咁多廢營舍, 都應該可以有好多用途, 不過這片地方唔多吉祥, 改建左都未必有人黎住 ~

 

 

好了 ! 我們下山吧 ~

本來好地地行緊一條又平又濶的石屎路, 點知原來是 Deadend 黎, 結果 … … 全體走山徑下山.

這山中路徑不長, 卻有一點點難度, 因為較多樹枝縱橫交錯在地上, 加上有點斜度, 會較是踏錯失平衡, 大家要小心下山 ~

 

出來以後, 就是觀龍樓的後山 !

我們沿著山路而走, 本想繼續走薄扶林水塘, 不過看來那山徑已將朋友們的體能都耗光 …

結果 … 我們走回西環吃午飯去 ~

 

來到西環堅尼地城, 原本我們走進了一家頗有規模的西餐廰 K-Town Bar & Grill.

我們一行八人没有訂座, 但餐廳當時並没全滿, 還有接近一半空桌.

我們大約 1:15pm 入坐, 一位中年侍應硬要我們 8 人塞進 6 人座, 而明明旁邊還有空座可以拼合, 詢問了一下, 他還要很没禮貌的回了一句 “你地冇訂位丫嘛 !”

Sorry … 如果没有訂位是錯的話, 那請恕我不打算幫襯了, 我立即拉隊離場, 還要在這裡開名寫埋出黎 ~

要 8 人坐進 6 人座並不是大問題, 只要講句已有人預訂, 我們也會欣然接受, 為何要用那麼差的態度回應呢, 要知道堅尼地城大把餐廳可選 !!

 

結果仲好, 我們去了吃我最愛的 墨西哥食品 !!

一口氣點了一大堆, 人人都吃得開開心心, 仲個個滿足 ~

 

吃完正餐, 還要再去吃甜品, 就是之前去吃過的 夏雪 !

今回有口福了, 竟然可以吃到美味雪糕配 espresso (affogato) 之餘, 仲要有新口味雪糕送, 多謝晒當日招待我們的店員.

因為有了這家甜品店, 我食完即刻開心番晒 ~

夏雪 Openrice Review : http://www.openrice.com/zh/hongkong/restaurant/%E8%A5%BF%E7%92%B0-%E5%A4%8F%E9%9B%AA/432464

 

今回, 我要坐渡輪去尖沙咀, 來到 I Square 門外, 竟然有好多馬騮仔係度喎 !!

4 thoughts on “HK : 古怪的摩星嶺

  1. Gael

    一對男女在草地上煮公仔麵====>又真係有啲詭異喎XXXD
    HK真係唔愁食嘢地方,招呼不好我通常都會走人:P

  2. Jackie

    個舊炮台 以前睇過無線好多戲呀 MV之類在那裡拍
    原來魚愛吃墨西哥菜 我住這裡有不錯的呢 若你來玩 我同你一齊去吃^^

Leave a Reply

%d bloggers like this: