Day 7 已經係我地呢個旅程的最後潛日, 這早上要清食物, 而雪櫃中的菠蘿 及 木瓜就成為早餐的一部份.
這盤生果盤真係非常新鮮 及 香甜, 我真係食唔停口架.
就連呢兩隻小貓都忍唔住要坐係枱上, 對我們的食物虎視眈眈, 睇少眼都怕佢會偷食呀 !
出發 ! 最後 2 潛由潛店安排, 只係去附近的潛, 亦係我們頗為熟悉的地方 – Dili Rock East & Tasi Tolu !
平時黎呢度多數係黃昏, 原來早上的沙灘, 都係一樣咁靚 !
Dili Rock East – 是日 29 度水, 最深都只係去到 18m, 一口氣潛左 68 分鐘.
知唔知點解最後一日的下潛, 我地要選番呢個地方, 因為呢度係東帝汶最有機會遇上 Dugong 的地方 !
世界可以下潛見到 Dugong 的地方唔算太多, 佢地通常生活係沙地, 淺水區有水草群的地方.
不過佢地非常怕羞, 不太喜歡潛水員, 潛水員呼出的氣泡往往會嚇跑牠們, 反而浮潛更可以埋到佢地身 … …
很可惜, 這一回我們跟 Dugong 始終緣慳一面 !
唔緊要啦, 我今回專心練習影羊咩咩 ~~~
大家係咪以為小魚都愛貼著珊瑚, 其實佢地只係想保護番佢地的卵 !
再睇清楚一點, 魚身上有一隻小寄生蟲架 ~
不知為何, 呢度好多魚都有一至幾隻寄生蟲, 其實係咪唔健康架 !?
除左魚, 仲有蟹蟹, 一隻會打 v 字手勢的蟹蟹 !!
呆小魚一條, 佢個樣真係好呆 !!
斑紋兔兔出場, 佢個紋真係好得意 ~
仲有佢, 紅卜卜的海龍 !
呢度小怪物 … 開頭以為只係得個殼, 原來佢真係生架, 仲會不停移動添呀 ~
第一潛完成 !
上水抖一抖, 再曬一曬暖自己 !
準備來第二 Round !
第二潛我地都係 2 條友自己落 !
黎到最後一日, 仲要係 Tasi Tolu 呢個日日潛的潛點, 我地決定自己玩了.
不過最後一潛, 我地先見識到東帝汶的冷流可以有多冷, 真係水中凍到震, 結果我地最後決定唔忍, 夠鐘就上水 !
小魚 與 魚卵 !
嘩 !
今回真係搵到白色的羊咩咩呀 !!
綠色的也有 !
仲有其他兔兔喎 ~
呢度其實真係好多蝦虎魚, 呢一潛有點無聊, 咪影下佢地 !
無聊 ?! 都算架, 我地邊潛邊等 Dugong 出現嘛 …
小魚隱藏版 … …
呢度的小丑魚真係可以好惡, 我地中途闖進了小丑林, 真係俾佢地逛追 !!
避得過一群, 接著就闖進了另一群之領地, 又俾魚追, 真係游到氣咳呀 ~~~
本旅程的 16 潛全部完成 !!
下午我地決定要去 Cristo Rei Beach 作觀光客 !
平時坐的士過去很近也很快, 但是日 Dili 市中心有點塞車, 結果我們呆坐在車中 … …
原來 … 咁都好多地道野睇架喎 !
剛好遇到將會於獨立日作巡遊的花車經過, 咁梗係要影低佢啦 !
當地的巡遊車充滿宗教色彩 ~
好不容易避過了塞車, 結果司機突然駛入油站.
呵呵 ! 呢度就係咁架啦, 咩都唔會趕架 !
來到 Cristo Rei Beach, 我地要先去醫醫肚 !
呢間 Beachside Hotel 的 Cafe, Tripadvisor 上都有唔少好評, 因此我們決定食完野先再上 Cristo Rei !
Cafe 有售自家製蛋糕 及 Scone !
餓左咁多日 Coffee & Cake, 呢日終於可以解一下癮 ~
呢間 Cafe 作為下午茶地點 (聞說早餐也不錯), 真係幾唔錯架, 推介 !
