呢個 hiking po 遲遲都出唔到, 最主要原因係相片太多, 大部份都係 cover photos 系列, 可想而知我地當日係山上真係影到唔捨得走呀 !
住左沙田咁耐, 當年仲要住在小瀝源附近, 我卻一直唔知由黃泥頭出發, 可以上到去黃牛山, 只要再過水牛山, 跟住落番麥徑, 就可以去到西貢架喎 ! 全程大約 7 公里左右, 難度不算高, 就是黃牛山上若想在石林中穿梭, 就得在斜坡上來回走動, 那就會比較費力, 全程理論上 4 – 5 小時完, 大前題係同行朋友不會如我們般勁影 cover photos 囉 …
由黃泥頭巴士站起步, 依著路牌的指示前往黃牛山, 初段大多是斜度不高的上坡路, 加上路徑已經舖設好, 因此算是頗容易走完的一段.
走到一個小平台位置, 是個不太明顯的分岔路口, 左轉會開始登上黃牛山, 山下美景會逐漸出現眼前, 而視野會越來越變得廣濶 ~
深秋初冬時份, 也是芒草盛開之時, 不用登大東, 也不用上大帽, 黃牛山這裡也有大片芒草哦 ~
開始登上黃牛山, 這裡開始斜度提升了, 在石林中巨石處處, 是影 cover photos 的好地方, 不過請大家小心一點哦 ~
我們在黃牛山中找天窗位置, 無意中卻找來這塊心型石 !
成功找到石天窗了, 來到呢個位要留神點, 路徑俾人踩到有點鬆散, 加上其位於斜坡位置, 落腳位要用點力來作平衡, 但確實是個好正的打卡位呢 ~
落完去天窗, 就要爬番上去山頂了 !
結果又係一堆打卡位 … … 單單係黃牛山, 我地玩左個幾兩個鐘呀 !
黃牛山頂的好風景, 正如朋友說, 如果山上有三角標柱係度, 又點可以唔去打打卡呢 ?!
呢度風景真係好靚, 不過都好大風, 行到熱晒都要急急穿番件外套呀 !
離開黃牛山, 我們登上了水牛山, 山下是我們熟悉的西貢 !
落到山腳就會連上了麥徑, 前往北港方向, 途中會遇上超美的竹林, 接著就會回到大馬路 !
是日行程完成, 非常好行的一條路線, 如果係藍天白雲的天氣, 應該會影相影到番唔到落山囉 … …
玩到下晝都未食 lunch, 我地就想到了那間講左半年都未食過的魔鬼炸脾.
呢隻炸脾都真係幾大隻, 加上餓左半天, 真係俾乜我都會咬落去, 至於味道不過不失啦, 唔會話炸到好乾咁, 不過我冇試到黃金魔脾呀, 只見佢係另外加上去隻脾度, 好似冇醃埋落去炸咁入味咁 …
總之就係一試無妨囉 ~
髀魔-雞髀第一店 Openrice Review : https://www.openrice.com/zh/hongkong/r-%E9%AB%80%E9%AD%94-%E9%9B%9E%E9%AB%80%E7%AC%AC%E4%B8%80%E5%BA%97-%E8%A5%BF%E8%B2%A2-%E6%B8%AF%E5%BC%8F-r578688
