Kurashiki-DEN 小屋的位置, 就在倉敷美觀地區附近, 我地可以喺遊客們攻陷倉敷美觀地區之前或之後, 係呢個咁靚的舊城區中隨意亂逛, 看盡這區的日與夜 !
倉敷美觀地區之建成, 源於其地理位置靠近瀨戶內海, 為當年船運業中的一大物流中轉站, 大量貨運物資經這裡進出海域, 因此在這地建有大量倉庫, 亦因而被命為 “倉敷” 了 !
我自當年踩著單車去京都漫遊看櫻花, 就特別鍾意日式的亭台樓角, 尤其那群古樸木建築, 氣度古足, 真係好靚架 !
我地今回雖然住 apartment, 不過我地就冇咩時間去煮食, 反而走進倉敷美觀地區搵野食, 相中呢間 Boulangerie mugi & 佢對面間 Cafe Gewa 就係我地推介幫襯的小店.
Boulangerie mugi 係一家 Bakery, 包點款式多的令人眼花瞭亂, 加上款款精緻吸引, 令人選擇困難症立時發作 ; 至於 Cafe Gewa 要點的當然就是咖啡啦 !
兩者相加, 就是一個美味豐富的早餐, 正呀 !
Boulangerie mugi Webpage : http://mugi.co.jp/
Boulangerie mugi Tabelog Review : https://tabelog.com/en/okayama/A3302/A330201/33008388/
Cafe Gewa Tabelog Review : https://tabelog.com/en/okayama/A3302/A330201/33010231/
星期六的早上, 剛好遇上 Local weekend market (倉敷路地市庭), 咁啱得咁橋開正係Kurashiki-DEN 小屋隔離, 真係方便到唔方便 !
Market 小小的, 賣得全是本地出品, 蔬菜、生果、包點 …etc, 比超市還要便宜, 重點真係好好食, 尤其水果類別, 真係一盒盒咁搬走番 HK 做手信呀 !
倉敷路地市庭 FB Page : https://www.facebook.com/rojiichiba
多得朋友搵人幫我地訂座, 令我地可以食到餐非常不錯的會席料理 !
呢間 和のうまみ処桜草 乃本地名店, 受歡迎程度係要訂位先食到, 我地一行 7 人坐進包間之中, 都冇乜太多考慮就一人一份 Dinner set, 當份菜單上場, 方發現都真係幾咁豐富呀 …一共 11 道菜式呀 !
由前菜到甜品，皆為好睇又好食之選, 真係正架 !
倉敷 和のうまみ処桜草 Tabelog Review : https://tabelog.com/okayama/A3302/A330201/33003267/
最令我欣賞係呢道雜菇
唔知呢個配搭我煮唔煮得番出黎呢 ?!
入夜後的倉敷美觀地區, 基本上没什麼遊人, 當然商店也没在營業, 但在街燈襯拓下, 拍出來的相片效果卻相當不錯 !
如果想逛逛, 看一下夜景, 可以登上小山丘上的阿智神社, 晚上的神社廣場是開放的, 在一角的阿智神社絵馬殿的位置, 剛好就是觀賞倉敷夜景的好地方 !
倉敷美觀地區的夜景 …. 真心覺得靚, 同埋值得帶相機黎拍夜景 !
Last day 好天氣下的倉敷美觀地區, 還有剛開始出現的紅葉 …
呢間店呢, 專賣芝麻產物, 我又鍾意食黑芝麻醬配多士, 所以就忍唔住又買左樽番 HK !
藍天白雲就係會被加分, 個倉敷美觀地區突然間靚多 20 % 囉 !
呢間 くらしき桃子 都真係唔洗點去介紹, 黎倉敷係咁咦有睇推介的, 都會知道呢間專食水果芭菲的名店, 冇得訂位, 宜早點去排隊攞籌.
我地特登等食店剛開門, 就去排隊攞籌架 ! 呢間店有幾受歡迎 ? 10 點先開店， 9：30 已經有人在門口等待，我地按籌候位之時，已是第 9 張枱喇 !
覺得好誇張咩 ?! 你睇左個水果芭菲杯的賣相, 就明白點解人人都會毫無抗拒之力架啦 ! 那賣相&那畫面，真係好震撼呀，開心到只有心心眼 ……
由於已是 10 月時份, 岡山另一名果 : 桃子 已經没有了, 不過其他當季水果都仲有好幾款, 而當我隨意點了個綜合水果杯之後, 才驚覺這個是加大碼黎架 !!!! 嚇死人咩 ~~
くらしき桃子 Webpage : http://kurashikimomoko.jp/
くらしき桃子Tabelog Review : https://tabelog.com/okayama/A3302/A330201/33011130/
好啦 ! 話咁快 3 日 2 夜的岡山、倉敷之旅就完成了, 回到倉敷車站坐機場巴士, 就可以直達機場, 冇乜人好方便 ~
岡山呢個地方, 位置都好靠近四國, 可以下次再來順道再遊四國 !
