今日又去荃灣行山, 有人識得玩, 原來大帽山下好好玩 ! 呢期每逢由荃灣出發, 我地都會先去康樂茶冰廳食早餐, 呢度的味道未必最精彩, 但食品勝在夠札實, 服務未必係最週到, 但勝在店員有禮友善, 講真杯奶茶都真係幾唔錯, 所以呢間老茶室自然成為我地早餐熱門之選 !! 康樂茶冰廳 Openrice Review : https://www.openrice.com/zh/hongkong/r-%E5%BA%B7%E6%A8%82%E8%8C%B6%E5%86%B0%E5%BB%B3-%E8%8D%83%E7%81%A3-%E6%B8%AF%E5%BC%8F-r15724 由荃灣行去普光園, 登樓梯上城門林道, 直至走到石屎路之盡頭 ~ 剛踏入呢條林木道, 就覺得眼前風景一變, 真係有外國林中 Feel … 朋友說我們開始進入了一條古道, 又名虎縱徑, 呢條小徑甚少遊人, 多在林中穿梭, 風景優美之餘, 還可以遮陰, 非常適合炎熱日子來這裡練山 ~ 特意多走一段來到龍泉谷, 果然係一個好地方…
如果係荃灣起步, 唔上大帽山的話, 山友們可以點玩呢 ? 好可能我地俾到答案你 ! 由荃灣站附近美環街上的行人天橋, 接上跨越地鐵路軌的天橋, 沿路而行就會接上荃錦公路, 呢度就係上芙蓉山的起點 ! 今回係起點及終點都找到了一棵老榕樹, 真係覺得佢地好靚, 可惜如今買少見少 … 我們參考的登芙蓉山路線有點奇怪, 但又真係可以行得到去, 不過為左大家的安全, 建議都係行另一條正規路線上山吧 ! 是日第一支標 : 芙蓉山 (Fu Yung Shan, 314m) ! 原本我們也打算一登大帽山, 不過是日天氣較炎熱, 間中山徑酷熱無風, 那我們就改玩長線了吧 ! 芙蓉山之後, 我地先行去川龍 ~ …
上星期放左 4 日假, 結果行足 3 次山, 繼 HK : 夜行柏架山 之後, 我地玩左一回港島縱走, 由淺水灣走到香港大學, 全程大約 21 公里, 一共可以 Kill 4 個標架 !! 是日集合點在淺水灣沙灘, 先行去南灣道之盡頭, 就會發現有個登山徑入口, 可接上往衛奕信徑 1 段的, 由呢度可以登上紫羅蘭 ! 在登上山之際, 先可回望淺水灣之風景, 後可以遠眺大潭水塘 ~ 是日第一枝標 : 紫羅蘭 (Violet Hill 436m)…
放長假前的夜山行, 由於可以早點放工, 讓我於太古城的某 cafe 休息了片刻, 以迎接夜晚的放電時刻 ! 起點由南豐新村的盡處, 沿鰂魚涌樹木研習徑 (Qarry Bay Tree Walk) 上山, 先經那一大堆戰時爐灶, 再轉上鰂魚涌緩跑徑 (Qarry Bay Jogging Trail) … 接上了前往小馬山 (Siu Ma Shan) 的衛徑 2 段, 呢段記得不時回望, 那片夜景非常不錯 ! 當登上小馬山頂 (424m), 可以找到那支破爛的標高柱, 以及一個能側望維港全景的 View Point…
本星期還是上了山一趟, 趁著灰濛濛的天氣, 盡量選些人煙稀少的路段, 是我們最近練山會考慮的事 ~ 這天我們主打要放電, 早就預算來趟長課, 起點設定在小西灣, 先登上砵甸乍山 (Pottinger Peak 312m), 路上會途經一個看似炮台的戰時遺蹟, 登頂可以找到是日第一支標高柱 ~ 沿路下山, 沿砵甸乍山郊遊徑接上港島徑 8 段 … … 在接上龍脊之前, 轉入隱蔽小徑登上歌連臣山 (Mount Collinson 348m). 估唔到呢條登山小徑沿途盡是密集竹林, 非常貼身但非常靚 ! 係呢度好想說句, 不知誰那麼缺德, 將支支標高柱都噴了紅字, 有夠無聊也非常没品 ! (這會是舊有的標高柱嗎 ?!) …
台北有一個非常好的景點, 四季皆宜, 可行山可賞花也可浸溫泉, 呢度就係我非常喜歡的陽明山了 ! 這個旅程原本計劃係想來一趟 “陽明山東西大縱走”, 全長大約 23 公里, 要花大約 11 – 12 小時去完成, 我們明明都已經來到山上了, 計劃卻仍然是趕不上變化的呢 ~~ 陽明山東西大縱走有一本活動手冊, 可以係網路上買到, 有興趣可以到此網站購買, 而本身很多台灣山友都會在網絡上分享大縱走的經歷, 大家出發前宜先做點功課, 尤其係交通安排方便 ~ https://www.eventpal.com.tw/FOAS/actions/ActivityIndex.action?showTabContent&seqno=52de6350-d759-4837-bffb-04902a0595fd 由於對預算時間之不確定, 唔想太匆忙, 亦唔希望天黑時還未下山, 我地跳過了頂山路線那 8 公里 (約 4 小時), 直接由冷水坑起步, 接上七星山路線, 穿過七星山東峰,…