呢排天氣實在太熱, 大上大落未必頂得順, 長期曝晒又唔對路, 好在朋友對港島路線特別熟悉, 咁都可以俾佢搵到條中距離路線, 由灣仔出發登上金夫人馳馬徑, 登上班納山, 經香港仔水塘, 逆走港島徑第二段去薄扶林水塘, 再順住回到龍虎山郊遊徑後, 再走番落中環, 全長大約 20 公里之內 !
話說呢朝早我唔知醒, 再加上限聚令影响唔想出去食早餐, 我只可以係起步前匆匆飲左盒奶茶, 結果剛由灣仔直接衝上山後, 我就知自己出事了, 還好在中途站小休了片刻, 等杯奶茶為我回氣, 才可以絲續 !
香港的山徑可以有多美, 唔提都唔知呢度行番落市區, 只係 20 – 30 分鐘內的事, 雖然地點咁近市區, 但當我們身處山徑之中, 卻一點也感覺不到那種迫人的繁囂 !
金夫人馳馬徑的沿途風景, 最好係有唔少大樹樹蔭, 那溫度真係可以差一大段架 !
間中還會遇上舊時碉堡添呀 ~~
金夫人馳馬徑的觀景台 !
開始登上班納山 (Bennet’s Hill), 呢個山又係有標架, 高度 : 海拔 214m 左右 !
奇山怪石也遇上了 ~~
來到香港仔水塘 …
港島徑下的引水道 , 反而呢度仲好行, 平坦的引水道旁石屎路 !
行引水道係咪有點悶呢 ? 咁就可以避開唔少人, 而且非常好行 ….
轉多兩轉, 已經回到薄扶林水塘 !
再回到龍虎山郊遊徑, 呢度可以直接回西營盤, 又或橫向去中環 / 灣仔 !
番到市區就完成了 !!
