早就想黎玉桂山 & 鴨脷排行一轉, 不過太清楚 weekend 呢度可以有幾人山人海, 我地要等到閒日有假才可以出發 ! 未上山前, 我地先去左鴨脷洲搵食醫肚, 呢間越大哥的蟹肉鮮茄湯粉都幾好食, 個湯底唔錯夠濃郁, 好飲到可以飲下但之後都唔會太口渴 ~ 越大哥越式小廚 Openrice Review : https://www.openrice.com/zh/hongkong/r-%E8%B6%8A%E5%A4%A7%E5%93%A5%E8%B6%8A%E5%BC%8F%E5%B0%8F%E5%BB%9A-%E9%B4%A8%E8%84%B7%E6%B4%B2-%E8%B6%8A%E5%8D%97%E8%8F%9C-r543304 登上玉桂山的起點有點隱蔽, 就在利東村巴士站之後, 一開始便是連續的上樓梯級, 直至登上小山丘, 便可以回望身後的屋苑, 風景卻是意料之外的廣濶 !! 玉桂山上原來也有條標 : 玉桂山, 196m ! 唔睇番資料都唔知道, 原來玉桂山個英文係 Mount Johnston, 點解同玉桂山咁唔相關架呢 ! 呢條標的所在位置,…
呢個已經係 2 個月前的行程, 唔好問我點解而家先放上黎, 我自己都回答唔到呀 ! 是日起點, 一個我從未落過車的巴士站 : 青馬管制站 (又名青馬收費廣場) ! 我地將會由呢度起步, 經過汲水門大橋之下, 沿海邊繞到花坪, 參觀一下没落了的藍鯨灣, 登上花瓶石, 攻上花瓶頂, 過了大陰頂, 回到欣澳, 全程大約 15 公里左右 ~ 在某草地之上, 竟然見到尤如一個腦袋的東東在地上, 嚇了一跳, 卻原來是一種野菇來的 ! 同場還有黑色尤如狗糞模樣的野菌, 以及荷包蛋外表的長柄菇,以乎是為這天的野菇特集打响了頭炮 ! 以為係青馬大橋, 原來呢一段係汲水門大橋 ! 那麼, 在大橋之下的風景,…
喜愛大嶼山的山與水, 不是無道理的, 藍天白雲下的風景, 讓人有速遊了一趟沖繩的錯覺, 這一片海其實也可以很美的 … 呢條路線由石壁水塘起步, 沿海岸前往分流, 再走過二澳去到大澳. 路線說易也不難, 就是路程有點長, 大約 19 公里, 在如此盛夏陽光下去完成, 即使途中上下坡的幅度不大, 仍需要有高度的耐熱能力, 還得帶上大量的水份, 準備左 2L 都絕對唔會嫌多呀 !! 由東涌出發, 坐巴士直達石壁水塘, 應該係 “沙咀” 站落車 ~ 由呢度出發去分流其實唔遠, 8 公里左右, 前提係唔好好似我地咁亂闖分支路線 ! 起步冇耐, 就已經見到好多小昆蟲同植物, 最後仲有牛牛出添 ! 原來上一回行呢條路線,…
今年因為疫情關係, 冇得去塱原幫手收米, 難得又有朋友們想入去行下, 咁咪齊齊去影下相啦 ~ 呢度有間豆品廠, 間唔中都會去幫襯碗豆花架, 鍾意仲可以黎個任食豆花, 但原來佢個素鵝都幾好食架喎, 下次可以去買多幾份番屋企煮呢 ~ 過左雙魚河, 就係塱原濕地, 今年呢邊冇左米田, 但卻換成了天空之鏡 ! 藍天白雲就咁倒影在水田之上, 成幅水彩畫咁架 ~ 塱原這裡時常保持一片翠綠, 明明呢度好地地咁, 就係政府硬要收番黎搞東搞西, 而次次俾政府搞過的地方都一鑊粥咁, 真係唔搞好過搞囉 ! 最後, 都俾我地係呢度搵到一塊稻田 ! 塱原濕地係咪好靚呢 ?! 反正黎開塱原, 就順便去埋朋友佢地嗰片稻田參觀下 ~~ 令人又愛又恨的農田, 望上去好靚,…
剛剛個 weekend 都有出去潛水, 不過今日剛頒佈重出限聚令, 我想短期內又冇得去玩了 … 想知呢期大家有幾放鬆戒備, 睇下呢日的西貢碼頭迫爆了人, 而當中有好多人係等船期間, 都係冇帶口罩的, 如果今日呢度有 1 個人帶菌, 相信呢度唔少人都會中招啦 ~ 看看是日的西貢海有多繁忙了吧 ?! 今回潛點係癩痢(洲), Trio Island, 原來我都好耐冇黎過呢度潛水啦 ! 第一潛最深只可以去到 9.5m, 因為實在好凍呀, 只得 22 度水溫, 但我地竟然玩左 55 分鐘, 因為實在太多魚可以睇啦 !! 間唔中都鍾意影下獅子魚, 因為佢地顏色夠晒 sharp !…
難得又可以閒日去潛水啦 ~ 最近天氣總是不錯, 不過水下溫度卻越來越凍, 真係好古怪呀 ! 呢日我地可以出遠一點, 去到尖洲, 下潛點就在爛頭排 ~ 第一潛最深可以落到 13.4m, 24 度水下玩左 54 分鐘, Avg 係 9.5m, 能見度都有 5 – 6m 的 !! 落水冇耐就見到呢條 Cockerel Wrasse, 明明游得好地地, 點知係某平石位上, 竟然見到佢係度瞓覺, 仲瞓到成身魚鯺張開晒, 好似死左咁近一近都冇反應, 搞到我真係以為佢就黎死架 … 點知影影下佢, 佢就突然驚醒左咁, 閃個身就游走左…
剛剛的 weekend, 我地去左個新潛點, 係我從未潛過的 橫洲 ! 呢個潛點都幾靚架喎, 有好幾個海蝕洞, 六角柱石落到水底都可以見到架 ~ 第一潛下水, 水溫 23 度都可以玩左 62 分鐘, 最深去到 12.2m 但真係好凍, 所以大部份時間其實只係 7m 左右 ~ 落去冇耐, 就係個山洞中見到呢隻都唔細的八爪魚, 後來另一個洞再見到另一隻 ~ 乜龍蝦 d 腳係咁藍架咩 ?! 之前係水底見到的, 好似唔係咁顏色架喎 ?! 呢條係石洞都唔放過呀 !…
正值炎夏, 正是花開的季節, 原來也到了我要清假的時間 ! 每年都能妥善安排假期的我 (簡單黎講就係每年可以放盡所有假 !), 今年假期時間表全被打亂, 難得的竟然要清假, 都算是很失算很例外的一年了 ! 之前聽過朋友介紹元朗信芯園的太陽花花田, 難得閒日放假, 相信花田的人流也會少很多, 那我們就出發吧 ! 這片花田今年開始要收入場費, 每人HK$10, 若要落花田的話, 則要收 HK$ 50 ~ 農莊內分成幾個部份, 以下這片太陽花只可觀賞, 不可內進, 剛好是花盛放之時, 看得出來是 2 個品種之太陽花 ~ 另一邊才是可以進入的太陽花花田 ! 不過放眼望去, 都是開敗了的太陽花, 偶爾才找到幾朵尚未凋零的, 人人都圍在那拍照.…
如果要數番轉頭, 呢編遊記應該係 5 月時份出的, 結果都係俾我拖到而家先寫 ! 話說早排當鳳眼藍盛開之時, 我地都有去元朗豐樂園玩, 不過之前, 先去左元朗名物 – 華嫂冰室 食早餐. 華嫂冰室的分店早已開到出市區, 我就真係冇幫襯過, 反而有一年去過總店因為排唔切隊而買外賣, 事隔幾年呢間茶記剛搬左舖, 剛好我地就去食下野 ! 必須說, 總店之出品確實係有質素, 嗰杯奶茶同芫茜皮旦湯底真係冇得輸, 唔怪得咁多人食個早餐都願去等位啦 ! 華嫂冰室 Openrice Review : https://www.openrice.com/zh/hongkong/r-%E8%8F%AF%E5%AB%82%E5%86%B0%E5%AE%A4-%E5%A4%A9%E6%B0%B4%E5%9C%8D-%E6%B8%AF%E5%BC%8F-%E4%B8%89%E6%96%87%E6%B2%BB-r665965 要睇鳳眼藍花海, 可以黎到元朗豐樂園呢度 ~ 鳳眼藍呢個名好似好靚, 實則是餵豬的飼料, 又名 豬乸蓮, 係非常粗生的物種. 鳳眼藍一年開兩次花, 為五月及十月, 每次花期很短,…
早就說到東壩大熱中, 作為我呢期連續第三次出潛之潛點, 今回黎到已經成海都係船, 至少五架潛船已經駐紮在這兒, 可以想像到個海底有幾熱鬧 ! 淺水位下潛, 水溫都係好鬼凍, 最深只去到 6.7m, 平均 4 m, 但水溫都只係得 23 度, 勉強玩了 55 分鐘啦 ! 有可能呢日海中太多人, 不少之前可以見到的魚類都看不到, 我只勉強影到以下的魚魚相片 … .. 之但係呢 … 同行潛友竟然係度遇到漁護署早排放生的海龜呀 ! 勁 !! 佢真係又八卦但又怕醜, 又要望下我, 但又要快快游走 … 對番本魚書, 佢應該係 金尾雀鯛 (Damsel)…