呢期天氣悶熱, 太陽又猛烈, 連行山都得改去黃昏時間, 所以都會近近地去左後山逛逛. 呢個後山本身都幾好行, 大部份路段都係舖設好的, 而且標示都幾清晰架 ~ 不過最正係可以好好練上落山, 全程 7 公里內皆是上下坡石級路, 加上人流唔算多, 行得到黎呢邊多數都係街坊黎 ! 如果唔夠的話仲要可以通埋去城門水塘嗰邊, 一邊就係相中見到的針山, 另一邊就係通去大帽山的草山, 令我地隨時可以加操 ! 某日閒來無事, 我地就趁著日落時份上埋草山, 欣賞左一個不錯的咸蛋黃 … 背景係城門水塘, 再加荃灣市區, 最勁係遠到港島都隱約可看到 ! 這天的日落加雲層, 構成優美的風景, 正對面就是大帽山上的天氣雷達站 ! 低越過雲層, 慢慢沉落下山的日落…