早排近近地咁去行咗女婆山 (Nui Po Shan), 可能就係因為近近地, 所以我係從未上過呢個山架喎 !!
全程才不過 7 公里多, 起點就在富安花園附近, 咁我地食早餐都選擇呢附近, 點知呢間喜利茶座原來極受附近居民歡迎, 竟然一朝早食個早餐都要排隊喎 ! 之不過呢, 呢度的早餐質素又確實幾唔錯架, 值得一試 !
喜利茶座 Openrice Review : https://www.openrice.com/zh/hongkong/r-%E5%96%9C%E5%88%A9%E8%8C%B6%E5%BA%A7-%E9%A6%AC%E9%9E%8D%E5%B1%B1-%E6%B8%AF%E5%BC%8F-r512010
由富安花園後山出發, 要先過左橋, 再沿馬路前進, 直到在馬路邊見到個唔太顯眼的入口, 呢度就係上山路徑之入口 ~~
呢個路口好易會錯過, 最好對住 view range 個地圖黎對比下 !
頭段全是上山路段, 斜度可以頗高, 小路旁間中設有繩索輔助, 如果唔慣狂上山的話, 宜放慢一點腳步, 反正山下的城市風景也相常不錯 !
穿埋上山頂, 會在山脊上走了一陣子, 那就可以看到山下的馬場景 !
女婆山 (高度 : 399m) 的標高柱 ! 呢個山頭以奇石而聞名 ~
呢度風景並不算開揚, 以下相片都係朋友用航拍機拍下的 ~
繼續前進, 我們來到豆腐石之上, 呢個位都真係靚架 !
不過如果想由呢個位落山, 咁就記得由石邊的小路慢慢行落去啦 ~
呢粒我見網上名其為 “梅鑽” , 個外型係咪成粒鑽石咁呢 ?!
近鏡下的豆腐石 !
呢個先係是日 Highlight, 外型何其獨特的 : 元陽石 !!
最有趣的, 大家覺唔覺佢好似有隻咸蛋咁的眼同個張開左的大咀咁架 ?!
我地到達時, 時間尚早, 所以坐左去石崖邊小休片刻 ~~
沿山路下山, 會接回上梅花古道 !
呢條古道之前有走過, 在下過雨的天色下, 那佈滿青苔的風景, 看著有如日本的屋久島 !
今回找到了那外表有如出血的野菇, 名為 “出血齒菌”, 外表恐怖卻不含毒性 ~
前後一共用了 4 小時, 最後在黃泥頭完結, 指的就是小瀝源那邊的巴士總站 !
