上年某月的閒日, 與朋友們入左長洲, 過了一個悠閒的小島半天遊 !
來到長洲的第一件事, 就係去左 島中坊研 (Island Workbench) 慢享了一頓豐富的午餐, 呢間餐廳都幾受歡迎, 即使閒日的早上還是有機會要排隊等位架 ~
餐廳食物賣相精緻, 份量都算幾實在, 尤其個精選甜品拼盤非常搶眼, 有興趣品嚐就記得要預留胃口啦, 因為呢個甜品份量真係好滿足, 而且味道上比主菜還要吸引架 !
島中坊研 FB Page : https://www.facebook.com/island.workbench/
長洲的海傍, 難得的没有人山人海 …
一個疫情, 彷如按下了一個 Reset 制, 刪走了過盛的人流, (暫時) 回復小島的平靜 ~
來到 鯆魚灣 呢邊, 除左欣賞下呢個幾靚的海灣, 就梗係順道搵下 張保仔洞 啦 …
我都真係對呢個洞冇乜印象咁, 究竟有冇入過去都唔記得, 如果有都只係細個跟爸爸爬過啩 …
張保仔洞的傳說就不多介紹, 而家先黎想搵寶藏也未免太遲, 但慢慢爬入洞中影下相倒也不錯, 如果打算入洞的話, 就記得帶埋支頭燈啦, 洞中打左燈影出黎都幾靚架 !
由長洲西岸可經 長洲山頂道 行到去 東邊海岸, 觀音灣 / 小長城 呢邊就出名睇怪石 !
唔知係咪我個人冇乜幻想力, 定係我真係半盲, 好多舊怪石我都睇唔出個原形來 …
呢個花瓶石算係最可以睇得明的石頭黎 !
不過, 我覺得似隻坐高左的小狗多點 ….
呢個叫叮噹石, 我覺得似海螺仔, 如果有隻寄居蟹就仲正 …
站在石群中的唔同角度 …
如果爬到去花瓶石附近, 走進花瓶石底下的一個石洞, 就會見到呢個半懸石頭 …
走遠一點, 有一個小平台, 可似安坐一會觀海 …
小長城之盡頭, 就係玉壐石啦 !
回程路上, 經過了觀音灣, 看過了長洲石刻 …
最後漫步於東灣海灘傍 …
日落黃昏下, 我地離開長洲前, 去左 啡寮 (Valor Cheung Chau) 嘆埋杯啡先 …
是日好好運, 偶遇超可愛狗狗一大隻, 任影任摸都乖乖的 !
講番呢度的啡, 係有特色的各式冰滴咖啡, 幾適合好似我地行完島, 再黎呢度 Hea 番下 ~
啡寮 FB Page : https://www.facebook.com/valorcheungchau/
日落 … 回程 !
