o岩o岩呢個 weekend, 我逃走去 Bristol 過左一個非常開心的 Break, 仲參加左一年一度的 Hot Air Balloon Festival, 真係一個好精彩的 Event 黎架 !!
朝早我食過早餐, 執好行李, 就帶埋阿 Dull 出門啦 !!
今日天氣非常好, 好有 Summer 的感覺, 我開住架車, 較大音樂, 就盡量唔超速咁係 Motorway 飛馳 ! 可惜飛左一半行程左右, 車速就要開始減慢, 可能呢個 Weekend 天氣太好, 好多人都往南面海邊玩, 結果冇耐就開始塞車, 我見唔對路, 就選最近個出口走左改行小路, 係就路程遠左, 但至少唔洗塞車, 仲沿途都係郊外景色, 又另有一番樂趣 !!
其實去 Hot Air Balloon Festival 之前, 我地有係 City Centre 食左個 Late Lunch & 行左陣, 但今日 Festival 的相太多, 等過 2 日我先放番上黎啦 !!
我地由 City Centre 去 Event 場地, 本來 10 mins 的車程, 我地塞左 1 個半鐘車, 就係為左要塞入去 Car Park 度泊車, 分分鐘行仲快過架車 !! 死命排左一大輪, 好在買左 pre-paid car park ticket, 一入去就有位, 一泊好車. 成車人一齊大聲歡呼呀 !!!
入到會場 (呀 ! 呢個 Events 係 Free 架 !!), 我地係門口睇左睇地圖, 由於之前 Check 過 6:00pm 就會開始放熱氣球, 我地一人買左一個軟雪糕, 就往 Launch Field 方向迫去, 因為要搵個有利位置睇熱氣球升空呀 !!
呢度就係 Launch Field 啦, 4 邊都有好多人坐晒係度等, 你地見地下一塊一塊好 Colourful 的布, 就係未吹脹的熱氣球啦 !! 本來話 6:00pm 開始, 結果等到 7:00pm 幾先開始, 而係中間, 就不停播音樂同埋放住一個 Discovery Channel 的氣球黎分散大家的注意力 !! 而我地就搵到一個斜坡, 舖好地席, 就坐下傾下計咁等個 Events 開始, 好期待呀 !!!!
7:15pm 開始, 第一個氣球升空啦, 呢間公司係"落機呀 !", 而其他熱氣球亦陸續升空, 係場地上可能一次會有 5 /6 個吹好左的氣球, 但升上天呢之時呢, 係一定一次一個的, 而且佢地升空之時, 一定會拉到四周空曠, 冇其他氣球的地方.
呢個升空表演足足有一個多小時, 前後有 72 個熱氣球 (由不同的 Company 同 不同的國家參加 !), 非常壯觀同靚架, 因為天空夠藍, 氣球又 Colourful 喎, 所以影出黎都好靚 !! 我手冇停過係咁影, 但呢度只可以放到小部份同比較有特色的氣球 ~
其實呢日見的熱氣球, 形狀比較正常, 佢早係星期四 (DAY 1), 就已經表演左 Special Shape Hot Air Balloon 架啦, 佢地有好多有趣的造型, 最厲害係佢地可以飛到上天空架 !! 我打算下年睇準日子, 又再黎一次去睇呢 D 得意 Balloon !!
呢個我最鍾意, 因為雪人好 Cute, 佢有 2 款架, 但最後佢只係吹脹飛走左一個 !!
IKEA 呢個最危險, 因為其他都係有籃的, 佢只係一個人坐係上面 !!
呢個最搞笑, 佢係一間屋, 有煙係煙囪出黎, 但搞下搞下 D 煙好似間屋火燭咁 !!
呢個都幾型架 !! 佢吹起之時, 有蘇格蘭音樂襯底 !! 可惜最後由於安全理由唔可以起飛 !!
最後表演, 係由 2 個空中飛中由熱氣球跳傘, 降落到 Launch Field 中間 !!
睇到呢度. 係咪以為就完呢 ?! 其實夜晚入黑後仲有一個 Night Glow Event, 係 9:30pm 開始架 !! 我當然有睇, 仲拍左 Video 添呀 !! 想知道就聽日再黎呢度啦 !!