夜晚, 我地一行 3 人又開車出發啦, 今次係去布袋澳食海鮮呀 !! 以前係 HK 都時不時開車兜風到呢度, 但食海鮮就真係只得一次, 仲要唔記得係幾耐之前囉 !! 今次我地選左去 '海鮮島" 度食, 原因只係佢比另一間開揚, 一眼就見到佢的魚缸啦 ~
今次我地叫左 鹽焗雞腳, (以下依相的次序) 豉椒蟶子皇, 豉油王大蝦, 上湯琵琶蝦, 椒鹽瀨尿蝦, 胡椒蜆湯, 蒸象拔蚌 同 蒸桂花蚌 ! 嘩 !! 好鬼新鮮呀, 好好食, 份量又o岩o岩好, 唔會食得太飽, 呢度老闆娘仲有整年糕賣, 幾好食架, 但唔放得耐, 所以我問左佢會賣到年初幾, 新年前再去買 !! Haha, 呢一餐就咁就食左 1100 蚊啦 ~
食完飯向屋企方向走, 實會經西貢, um…. 要幫襯一間甜品店, 西貢滿記係其中一個選擇, 但我曾經有過唔好的經驗, 今次再試, 竟然唔錯喎, 但最欣賞的, 係佢個 Logo 呀 !!!! 今次叫的有 ?? ?? 珍珠米 (唔記得個名), 紅豆沙湯丸, 芒果豆腐花 同 芒果糯米糍.
