初三的早上, 我開左架車入東涌, 今日約左一班親戚一齊入大嶼山食齋. 一朝早的東涌十分清靜, 昂平 360 亦未見人潮 (嘩! 回程時見到條人龍好長呀, 之後係新聞報導話車票提前售罄添, 呵! 早知我都去玩下啦 ~), 係11 號大嶼山巴士站等齊人, 一行13人就出發, 先去觀音寺走走, 影下相, 跟住 11 點左右再去靈隱寺食齋. 好耐冇坐大嶼山巴士啦, 巴士感覺新淨左(但其他人唔同意喎 !), 單線雙程的路線依然難走, 不過沿途所見, 似乎起緊新路喎 ! 有點意外係由東涌入大澳要 $18, 感覺蠻昂貴呀 … 到左觀音寺, 好典型的廟宇設計, 最適合我影低相, 再番去同同事分享一下啦, 所以我好盡情咁係度玩自拍, 互拍, 同影大合照啦 ~ 之後我地行到去靈隱寺,…