一晚無事, 除了睡前 3 人一齊聽到奇怪的木板聲, 而我地每個都認為由唔同方向傳黎的, 結果到今日都仲未解開聲音來源 !
Day 5 是個重點行程, 住得係 B&B, 咁就梗要歎埋另一個 B, 食番個必備的 English Breakfast, 呢間供應的係真真 Full Breakfast, 係有埋 fried bread 架, 不過我最後都只係點了炒旦, 蘑菇, Bacon 同 Tomato 咋, 我唔想要一個 800 kcal 的早餐呀 !!
呢日係難得的好天氣, 開車離開 B&B 不遠, 便忍不住將車停到路邊, 下車到 Bassenthwaite Lake 畔影番幾張藍天白雲景, 好天氣下, 連樹木及草地都零舍翠綠架 !
本來預算帶團友們坐船遊湖的, 可惜剛走到碼頭旁, 工作人員便告知風勢太大 (真係好大風架, 可以吹到湖面起白頭浪架, 可以睇下相丫!!), 所有觀光船都要停航, 哎呀, 想偷下懶都唔得添, 唯有帶著將自己包得厚厚實實團友們, 向著寒風中的 Derwentwater 走去, 沿途遇上了不少遊人, 特別是帶著狗隻來散步的, 其中一對老太太告訴我們, 去年的這個時間比今年還要凍, 仲要係落雪添呀 !
回程時, carpark 旁邊有好一大片草地, 原以為係私人牧場, 走近發現係 public tracking path, 咁即係可以入去走走啦, 我地就梗係入去探下羊群們啦 ~
Grasmere 係我最喜愛到訪的一個 town, 今次亦唔例外, 帶著團友們到這個精緻小鎮走走, 當然亦唔會錯過這兒最出名的 Gingerbread 啦, 朋友們似乎都頗為喜愛, 某人甚至一口氣買了 10 盒呀 !! (阿某人, 你番 HK 分晒咁多盒未呀 ?!)
話咁快又夠時間吃個人午餐, 這兒有不少 Cafe 同 Tea House, 我地隨意選了其中一間, 竟然有驚喜發現喎 ! 份 toastie 本身份量唔錯, 仲加上 side dish 的美味三式 Salad, 實在有點意料之外呀 ! 不過人手略有點不足, 飲品比較遲才送上 !
離開 Grasmere, 準備開車去片一轉 Kirkstone pass, 就係轉入小路不久的無人無車地帶, 發現了一個開了閘的牧場, 就係咁我又無啦啦停車, 趕團友們去自由活動了 ….
