來到山谷中的 Kirkstone pass, 當真大風得恐怖 ! 尤其當我將車停於 view pt, 大家打開車門之制, 一時不為意, 整度車門 (仲要連埋人) 一齊被強風扯出車, 還好泊車位置與鄰車有一些距離, 唔係一定撞花人地架車呀 ! 落番山, 經過小橋流水, 但我已經唔記得左道橋叫咩名啦 ~
Ullswater – 有睇過 2 年前的介紹, 應該見到我大部份的湖景靚相, 都係於這個湖邊拍下的. 今次我地反而停留湖邊時間不多, 可能由於朝早已看過好幾個湖了吧 ! 這個湖出名的另一件東西, 是 "Ullswater Steamers" – 即蒸氣渡輪, 不過是日亦是停航, 團友們還是無緣遊湖了 !
沿 Ullswater 湖畔有 2 個主要小鎮 – Glenridding 及 Pooley Bridge, 2 著皆是 Ullswater Steamers 的碼頭. Glenridding 明顯地是比較繁榮, 較多遊客選此為 base 的, 但最吸引我地的是村落中出現了一片櫻花林 !
Pooley Bridge 位於 Ullswater 的另一角, 村落離湖邊有一段小距離, 停於這地主要是 toilet stop, 還有就是我這個導遊, 暫時未想到下一站的目的地呀 !! 
基於還未知應該開車到那, 我就於 Borrowdale 範圍內, 專選了 country road 小路亂竄, 所以以下相片中的地點, 我多數都是不知名的, Haha, 不過即使這樣亂走, 沿途風景還是一樣吸引人架喎 ~
最後終於想到了, 不如就到很久没到訪的 Buttermere 吧 ! 這些有一座 Bridge Hotel, 酒店如其名, 真的於橋上有一座酒店, 走入 hotel bar 內, 裝修古色古香得黎, 桌面是一塊反光銅面, 上面被撞得凹凹凸凸的, 可惜這兒的 cup of tea 真的麻麻地 ~
是時候回程了, 這次要經過另一個山谷 – Honister Pass, 這個比起 Kirkstone Pass 的傾斜比例還要厲害, 經過的時候真要小心奕奕, 終點是會到達 Honister Slate Mine 的 Museum !!
安然回到 Bassenthwaite, 到了 B&B 主人介紹的另一間 Pub restaurant 吃 dinner, 我地 3 個竟然忘記了老闆娘的提醒, 這兒的 portion size 係超級份量, 一份可以供 2 個人吃的, 果然食物一到枱上, 這個叮囑立時由腦中彈出, 可惜已經太遲了 ….
