早排多得 Blog 友 亞魚 的介紹, 我呢個國外人才得知 U Magazine 有一個 "Travel With Toy" 的比賽, 睇名都知係一個關於帶埋公仔去旅行, 而於行程當中為公仔拍下的照片, 就可以寄去這本雜誌社來參加比賽.
有黎開呢度的 Blog 友, 應該都對我的四葉妹妹唔會陌生, 其實呢 2 年影下影下, 四葉都擁有了不少照片 (尤其旅遊照), 當日得知有這個比賽, 我就快快手手地將四葉的其中一張相片 send 了過去, 選了這張還主要是因為個海靚咋, 呵呵 ~
係 11 月左右, HK 的朋友就發現"她" 上了第一次雜誌, 原因係這張相入了 1st round, 而係剛剛的 New Year Eve 更由我的另一位朋友發現了 "她" 在隨 Magazine 附送的月曆上, 雖然只係小小一角的入圍作品, 但都開心啦, 同埋我發現其實好多人都鍾意為公仔影相的, 哈哈 ~
好啦, 就放上黎同大家分享下先 !!
P.S. 這個比賽入圍作品都好似有一份獎品架, 不過我到而家都未收到任何通知, 咁究竟係有定冇呢, 唔通佢知我住係外國領取唔到 ?! 
