HK : 2016 年初二猴年煙花匯演

 

 

大年初二, 我剛落機, 回家整理一下, 便再次出門.

這晚, 相約了一班這幾年陪我上山下海的朋友們, 齊齊去食飯睇煙花.

地點仍然是老地方 – 海港城的露天停車場.

一如以往, 晚上八點開始的煙花滙演, 要預早大約六時左右就到會場, 否則封路 / 人潮管制下, 都真係分分鐘入唔到場 ~

要大家等 2 小時係耐左少少, 不過這天的天色非常好, 天清没煙霞, 還有點風, 是一個很適合看煙花的天氣 !

 

等了一小時, 天色已暗, 還要再等一下.

還好, 還有 ICC 大樓的電子幕牆給我們點娛樂.

 

HK 的夜景 … … 其實真係好靚架 !

 

 

 

根據資料, 這年的煙火滙演大約 20 分鐘, 一共有八幕表演, 足足用了八百萬贊助.

第一幕準時於八點開始 !

 

 

第二幕 “靈猴獻歲”, 好多人都話睇唔到個馬騮頭, 但我地真係見到架喎 !

相四個張最清楚架啦, 唔似咩 ?!

 

 

之後幾幕其實冇乜為意係咩名堂 …

今年的煙花真係幾靚, 而且部份配樂都幾唔錯.

我地就睇得好開心, 但唔知點解身邊的人都好冷靜, 冇乜人出聲咁, 唯有我地自己繼續 “嘩 … 嘩 … 嘩 ….” 啦 ~

 

呢場最震撼, 爆到唔清唔楚 !

 

呢幕夠靚 … 煙火散開再慢慢墜落 ~

 

再黎囉  !

 

仲有 ! 仲有呀 !

有話呢幕會有個幻彩球喎, 我睇到但影唔到囉 ~

 

這個紅色煙花爆開後, 會散到四周, 有點似之前在台南見到的蜂炮, 散到整個維港一片紅 !

 

最後一幕, 定必係密集式發放, 原來名為 “欣賞香港” !

唔明個名有咩關係, 但呢幕應該係大家看得最爽的.

 

曲終人散, 我跟朋友們齊齊吃飯去 !

我不懂政治, 也不打算作任何評論, 我只希望身邊的人平安喜樂, 身體健康.

猴年, 還望是一個順境的一年.

8 thoughts on “HK : 2016 年初二猴年煙花匯演

Leave a Reply to ~ 魚 ~ Cancel reply

%d bloggers like this: