HK : 聖誕露營 @ 西貢浪茄

 

天氣稍涼, 我地就開始想去露營, 說起行就起行, 聖誕之前就出左發 !

今回依舊去浪茄, 就因為我喜歡大海, 聽著海浪聲入睡, 真係特別舒服架 ~

我地通常只留兩日一夜, Day 1 早入搵番個靚位, 就開始紮營 set 架生 !

而家呢 d 營真係好易起, 幾下手勢就搞掂 ~

 

浪茄, 鹹田灣 & 大灣 … 呢三個沙灘我都好鍾意, 不過最易行到入去, 都係浪茄最方便 ~

今日天氣麻麻, 但可能夠風, 見到有大班人在上上落落的玩滑翔傘, 我都想係 HK 玩番次 !

 

 

 

 

 

營地的第一餐, 下午茶 : 九洲鬆餅配熱情果醬 !

Pre-mix 鬆餅粉, 漿粉就好易型成, 但要煎好唔黏鍋就有點難度 ~

 

下午閒來無事, 就上山走走 ~

浪茄的風景, 我時常都會看到今.

這條行山路線不管是操山, 還是閒遊, 都係咁令人開心 !

 

呢個位唔係人人會行入去, 不過呢度絕對係欣賞水庫的好位置 ….

望到這兩層一排過的六角柱石, 就知道我們已經身處地質公園之內 !

 

閒來無事, 午睡片刻 …

 

一覺醒來, 就差不多快要天黑了 … 咁又是時候準備晚飯 !

這天晚餐有 娘惹咖喱雞, 炒露筍, 煎牛扒 配 珍珠米 哦 ~

伙食總算不失禮吧 ?!

 

宵夜, 煮了個暖身的薑汁蕃薯糖水 ~

 

夜行發現了這集正在結網中的蜘蛛, 正正結在山徑之上, 差點做了個蜘蛛網 mask 呀 ~~

細心觀察下佢個網丫, 其實織得好鬼靚架 !

 

Day 2, 幸運的得到好天氣, 因此也得了到一個溫暖的日出 …

明明還未睡夠, 卻也忍不住爬出帳幕, 走到沙灘上欣賞 ~

 

早晨呀 ….. 浪茄 !

 

早起就有好吃的, 今回早餐來個洋葱煙肉奄列, 牛油磨菇 &  日版一丁 !

另外還煮了一煲朱古力奶添 ~

 

天氣那麼好, 就係晒太陽的好機會呀 !

坐下坐下, 話咁快又睡著了 … …

時間過得好快, 又到我們撤退之時, 大家記得還原一切, 帶走自己的垃圾啦 !

(浪茄其實尚設有垃圾筒, 亦遇到有工作人員前來收垃圾, 不過與其要辛苦別人, 那還是自己帶走垃殼, 等回到西貢才扔掉吧 !!)

 

好天氣下的浪茄, 係咪靚得好似畫咁呢 ?!

Day 2 的這個天氣, 令人根本唔想走囉 ~~

 

我們走回到東壩, 只要不太晏, 其實很容易坐的士出北潭涌的 …

今回歡送我們的, 還有本地牛牛 !

話時話, 我地黎緊又會去 Camping 啦, 有機會係郊外見啦 !

2 thoughts on “HK : 聖誕露營 @ 西貢浪茄

Leave a Reply

%d bloggers like this: