本星期没上山也没下海, 我跟朋友去幫手清潔海灘 !
今回又係跟 Lamma Corner 去, 如果大家都有興趣參加, 就不妨留意下佢地 FB 啦 !
以往有什麼污染事件發生, Lamma Corner 都會主動發起幫忙清潔沙灘的活動, 這包括了 2012 的膠粒事件 以及 2017 的棕櫚硬脂污染, 今回幸好没什麼壞事發生, 不過快到夏天, 幫忙清理一下沙灘也是件有意義的事 ~
2017 南丫島海灘油污清潔行動
HK : 粒粒鏟執大行動 @ 芝麻灣拾塱沙灘
今回要去南丫島的石排灣, 我們就要先去香港仔, 由利東站行出海傍, 坐街渡過對岸, 才是香港仔碼頭 !
大家對街渡有多少認識呢 ?!
我就超鍾意呢種 “卜卜雞”, 小時跟爸爸出海釣魚, 主要就係坐呢種舊式木船, 比起遊艇, 呢種木造的 “卜卜雞”真係好有質感架 !
香港仔碼頭附近設有多座涼亭式的展覽館, 內裡的展品都幾有風格, 屋頂張傳統帆船畫仲令我忍唔住要影個全景 !
是日集合點 : 全記渡 !
相中人, 就係我們的領隊啦 ! XD
話咁快我地就去到南丫島的模達灣 ~
是日沙灘堅係水清沙幼呀 !!
我們要先走 30 mins 左右路程, 穿過島上的小山頭, 才會到達石排灣.
不得不讚同, 走在這段路真的很舒服, 沿途風景很美, 仲無啦啦俾我地遇到 綠翅金鳩 添 ~
來到石排灣了 !
長長的沙灘, 是 HK 為數不多, 水清而沙幼的長長靚沙灘 !
不過係美麗的背後, 沙灘上還是隱藏了很多垃圾 …
我們找到最多的是膠樽, 飲管, 即棄餐具 及 碎百寶膠 … 最可怕是連針筒及醫療廢品都有機會見到架 !
另外, 2012 年被倒進海中成為污染物的膠珠, 今回也被我們找出來了, 而且粒粒完好無損, 非常恐怖 ~
短短的幾小時, 集了我們十多人之力, 成功收集了相六中那一大堆垃圾, 究竟我們值得高興還是擔心呢 ?!
回程, 我們得到了非常好的奬勵, 是日的夕陽日落 ~
在碼頭等候渡輪期間, 正好拍一下日落 mode 的 profile pic 啦 ~
一星期內看了 2 回日落, 一次在山上, 一次在海邊, 集齊了山海系囉 !
渡輪安全地將我們送回香港仔, 順道看一下香港仔碼頭的夜景 … …
在想 … 要不要找一回去兒時常到訪的 珍寶海鮮舫, 扮一下本地遊客呢 ?!
大家有冇興趣黎幫下手呀 ?! 有就記得跟實 Lamma Corner 的 FB post, 咁我地可能下個月見到面啦 !
清潔海灘意義！
好需要多 D 人幫手, 更需要多 D 人在意 !