今年不經不覺都跑左唔少比賽, 有路賽也有山賽, 有 10k 也有長途, 再加上走過國外大大小小的山嶺, 我的步行里數也真不少.
是日參加了這個由某時裝品牌贊助, 是第一屆的 Hong Kong Ladies Run, 地點就在欣澳, 共分 3 場 – 10 公里挑戰組 (限時 1.5hrs), 10 公里優雅組 (限時 2hrs) & 5 公里組.
雖然是第一屆, 搞手卻是 ROC 這個經驗豐富的團隊, 理應不會出現大問題, 事實嘛當中倒是有贊有彈啦 …
今回是時裝品牌贊助, 真係冇理由比賽服裝會出現如此大的錯誤, 基本上件衫清一式所有碼都做細左, 結果大部份人都要更換, 咁嗰堆冇著過但又好多人都唔啱著的背心, 通通會去左邊度呢 ? 又係去晒堆填區 ?!
有彈都要讚, 非常喜歡大會用 recycle 杯, 我每次參加比賽都自携水杯, 亦非常看不過眼過了水站後, 參加者便隨手將紙杯掉在地上, 今回用了 recycle 杯, 回收的箱也夠大夠清楚, 地下變得很乾淨, 很順眼 … 唯獨希望大會捐錢就得大方一點, 明明寫明自携水杯而作登記, 會自動捐 $3 蚊俾長春社, 但我們找了一會都看不到指示, 要左問右問才知道要走到角落的詢問處登記, 捐款才會生效 …希望明年可以多加點指示, 捐錢就要大方一點啦 !
除了以上 2 件事之外, 我倒覺得這個比賽搞得唔錯, 起步準時, 勁多攝影師, 義工數量不少, 完賽派禮物都算有秩序, 還會準時清理賽道, 整體感覺唔錯, 下年可以再來多次 !
我是第一次跑欣澳, 全條賽道頗為平坦, 路面算夠寬濶, 就跟科學園差不多, 而且有開揚海景, 跑起來有風倒也跑得舒服.
今回算是 Hea 跑, 所以實則路程只有 9.3 公里左右, 也不見有太多跑手投訴丫 … …
完成賽事的參加者, 可以由高大的外國 model 手上得到玫瑰花一朵, 大會都好細心丫, 連玫瑰花刺都預先除掉, 勁 !
接著會送上香水試版, 還有完賽手鏈一條, 呢樣有點兒似日本個名古屋馬拉松咁喎 !
很多參加者於完賽後, 都將花跟禮物放到大石, 大海前 以及 草地上拍照, 搞到好似正在祭忌咁, 大家邊拍卻又忍不住在笑 …
至於我嘛 … 就乾脆很安祥地於草地上躺下來, 暖暖的真的很快可以入睡 …
匆匆一篇, 只為作個記錄, 希望下年還有得再玩啦 !
