去得台灣, 主打都係為左食 … …
今回同朋友出門, 當然又去試下台北唔同的美食, 真係由朝食到晚呀 ~
剛到埗台北, 就先找到可以吃到牛肉麵、豆漿以及小籠包的小店, 雖然這不是什麼名店, 但勝在一次過可以食到幾款質素不錯的食品, 而且小店營業時間直到凌晨 3 點, 真係夜夜都可以食到 !
P.S. 牛肉麵要點半筋半肉麵哦, 牛筋夠晒入味 ~
江家黃牛肉麵永和豆漿店 : 台灣台北大安區光復南路240巷1號
Tripadivsor Review : https://www.tripadvisor.com.hk/Restaurant_Review-g13806900-d6139330-Reviews-Jiang_Jia_Beef_Noodles_and_Yon_ho_Soybean_Milk-Songshan_Taipei.html
劉媽媽涼麵 – 呢檔涼麵相信冇咩台北人會唔識, 非常出名而且三更半夜都會人山人海 !
呢間涼麵店晚上九時多開始營業, 直到早上九時, 但就有機會賣完就關門 …
我們點了涼麵再加味噌貢丸, 呢個涼麵的醬汁真係較得幾好, 非常惹味, 價錢仲非常抵食, 咁睇黎我遲下要試齊台北那幾家涼麵名店啦 ~
劉媽媽涼麵 : 台北市市民大道五段37號
唔知點解朋友們都很喜歡去那間 24 小時誠品書店, 結果每次進去書店之前, 我地都會係呢間 cafe 度飲番杯野, 今次就試下佢杯咖啡, 半夜 12 點多都仲好有心機咁沖俾我地 ~
酒店不包含早餐, 我們乾脆到附近菜市場, 找到了很 Local 的早餐店解決 !
相中呢個飯團真係不得了, 現點現制, 由外表到個饀都同 HK 的粢飯好相似 ~
台灣另一早餐小食 – 蛋餅, 這個小食我覺得將來開 B&B, 一定要包括在早餐 Menu 之上, 在網上找過食譜, 那蛋餅皮原來自家制也是很簡單架 !!
我以往成日行經這家 Cama 現烘咖啡專門店, 但今次都係第一回幫襯, 那杯海鹽焦糖咖啡都幾錯啦 !
每一回去台灣都會想買水果, 住近菜市場的好處, 就是可以趁星期六早上買到新鮮水果 !
今回五月中, 剛好買到頭批愛文芒呀 !
ICHI 係一家新式居酒屋, 原本打算 Day 1 抵埗後就去, 後來改左星期六晚.
唔知係咪因為週末人流較多, 店內都真係好鬼嘈下, 似酒吧多過居酒屋囉 …
我地主打吃一個遲來的晚飯, 所以4 個人都只係點左一枝 Sake …
食品嘛 … 最快送來的蓮藕沙律 & 炸牛蒡最有驚喜, 炸物 & Sushi 就不過不失, 但係串燒就真係普通啦, 唔係係咪越夜就唔夠人手又或換了廚師, 出菜速度超級慢, 而且食品水水準有點不穩定.
再加上價錢唔平, 我諗我就唔會推介朋友去, 如果大家夜麻麻想食下日本野又飲下酒, 咁都可以考慮下囉 …
等我下次試過間當地朋友提到, 裝潢再傳統一點的居酒屋 !
去年年尾, 我從各大旅遊雜誌之中, 得知道台北有一家專門設計給一個人用餐的餐廳開幕了, 名為 “一人餐桌 (Table For One)“, 當時亦曾掀起了一股報導的熱潮.
直到今回去台灣, 我預先到其網站作了解及預約, 發現這個一人用餐體驗, 已經來到第二季了 ?!
用餐時段分午餐跟晚餐, 如於預約之時作線上預付為 NT $950, 若到現場才付費則要 NT $1100, 未計加一服務費 以及 飲品費用哦.
一人餐桌 (Table For One) : 台北市松山區健康路九號一樓 (小巨蛋五號出口)
網站 : https://www.surpriselab.com.tw/tableforone/index.html
用餐前的一天, 店員會來電確認用餐者名字, 以及查問各人之特殊飲食限制, 最後會提示要預早一點到餐廳.
不過到達餐廳以後, 客人們要稍為等候一下, 因為店員會為每一組顧客作詳細的說明及講解, 那是要多花點時間的啦 ~
店員會幫助大家選取座位, 並附上餐廳地圖, 進入餐廳用餐區的第一任務, 就是要找出自己的坐位了. 對哦, 說明是一人餐桌, 那當然一人單座, 大家好好去享愛這個一人用餐體驗吧 ~
餐廳有一個小小的指示, 就是請盡量不要用手機上網, 若打算用手機來拍照, 那就請將手機轉為”飛行模式”吧 ~
接著每送上一道菜之前, 店員都會為大家提供指示, 大家可以選擇跟隨, 又或自行找個方法來享受一人之獨處 … 就請好好享受一個人的 90 分鐘吧 !?
頭盤很別緻, 當我以為得個靚字, 味道原來更精彩, 真係好睇又好食 !
第二道菜前送來一面鏡子, 朋友在另一頭觀察著我, 說我拿著鏡子足足玩了10 多分鐘, 不得不再次懷疑自己真係有點過度活躍 …
第二道菜上場, 原來要用上鏡子作反射, 又是一道蔬菜藝術品哦 !
第三道主菜, 主題是一個故事, 一個相信很多人也閱讀過的故事 …
如果只看菜的擺盤, 大家又會聯想到會是那一個故事呢 ?!
話俾大家聽, 呢道菜的牛扒真係煮得好好食 !!!
結尾, 甜品 ! 可以自己創作的甜品 !
我冇乜藝術細胞, 就無謂獻醜, 但呢個甜品咪睇佢平平無奇, 朱古力 配 生果的口味剛剛平衡得到 ~
反而最後一道菜, 呢杯飲品令人有點失望, 美中不足 … 好甜但没太多味道, 有點奇怪的結尾飲品 ~
離開前, 每一位顧客都可以寫一封信給一位陌生人, 我也寫了一封, 署名用了 Blog 的名字, 如果有朋友係不久的將來收到了我的信, 可以話我知哦, 當然我也希望我可以鼓勵到你啦 ~
Popo Bunny (花花邦妮) 最大賣點是那堆可愛兔仔, 其實主要售賣雪糕, 餅乾 & 爆谷, 簡直係小朋友們的樂園呀 !
我未去過台灣的 Farmer’s Market, 上網找來位於圆山站附近的 台北花博農民市集, 咁我地一於去趁下熱鬧啦 ~
攤位都唔少, 有售賣很多不同的自家產品, 由台北到台南出產的都有, 但真正未加工過的農產品不算多, 所以我都冇乜買到野 …
台北花博農民市集網站 : http://www.expofarmersmarket.gov.taipei/
若想係離開台灣前, 再吃一頓台灣地道美食, 那就要到二航未入閘前 B2 樓層的美食廣場 !
上一回都介紹過了 (http://traveling-fish.tixmart.org/2018/01/20/taiwan-2018-01/), 有春水堂, 度小月, 鬍鬚張 …etc, 也就是擔仔麵, 珍珠奶菜, 魯肉飯以及 牛肉麵都可以在這裡吃到, 簡直係我們上機前食野的好地方 !
好啦, 今次速遊又再告一段落, 月尾我又再次出動 ~~
回程, 剛好看到香港的夜景 …
