5 月時份, 我們去了一轉深圳, 但竟然唔係去吃喝, 而係去梧桐山行左轉囉 !
明明說是 4 小時的路程, 結果由早上 10 點起步, 我們行到晚上 7 時才回到閘口, 足足行左 9 個鐘頭呀 ~
想由羅湖車站去到梧桐山, 最快捷方便就是直接坐上的士, 大約人仔 50 蚊就搞掂 !
山徑起步點就在相一的位置, 其實整條山路都舖設得不錯, 路面平坦, 指示清晰, 就是今回選取的路線較長, 全程約 20 公里左右, 而登山部份亦較為陡峭, 相對會較花腳骨力 …
是日天氣頗為炎熱, 因此遇到有水的地方就特別吸引, 這段路線之初段主要沿著瀑布而行, 已算是相對的涼快.
在途上, 我們遇到了多種蝴蝶, 可以拍到的卻只有相中這三款 …
行下行下就會滙合到行車道, 懷疑是日假期封了路, 馬路上完全看不到車輛, 我們沿著車路而上山, 就會直達好漢坡登山徑的起點.
這裡算是一個補給點, 有小食亭也有洗有間 (這個公園內的洗手間是意料之外的乾淨 !), 朋友為我們預備了冰鎮日清美味寶呀, 咁炎熱下有好野食, 超正 !
大家若想拍些風景照, 記得上登山徑前, 先往對面的觀景台哦 ~
這條登山徑一起步, 就是一道天梯哦 ….
堅會行到氣咳的, 不過上到平台就會得到好風景 !
登上了天梯, 之後就會在山脊上遊走, 這段路可以算是旅程之 highlight, 一路有著好風景 !
本旅程之終極目標 : 海拔 944 米高的 鵬城第一峰 – 大梧桐山 !!
山頂的那件大石頭, 長年人山人海的, 最頂癮係竟然有人抬左個電子琴係度表演, 不過老實講丫, 明明係郊外地方就咪鬼開 concert 咁嘈啦, 本身有 style 都變成廣場大媽啦 !
山頂通往的下山路線共有三條, 我地選擇原路返回, 因為仲有地方想去丫嘛 ~
第二站 : 小梧桐山 & 深圳電視塔
第三站 : 可欣賞一下半日落的鳳凰台 …
下山, 入黑前衝番落山, 但日落太美, 走走停停之間, 心情十分矛盾呀 !
成功由梧桐山回到老街, 終於我有機會飲人生第一杯喜茶 ~
講真 … 去台灣我都未必一定飲台式飲品, 因此喝過喜茶後, 只覺得 … 還可以 !
反而, 我地去試吃了很受歡迎的酸菜魚, 隨意的選了 “姚” !
盤酸菜魚一抬上黎, 大盤到 4 個人根本冇可能食得完, 再計另點的小食與配菜, 都幾好食架, 真係飽到抱住個肚走呀 !
