本星期回歸本地潛, 點知迎來屎水一片 !
第一潛來到浪茄, 未落水都大浪到爆, 一落去直達 7 米已是濁水一片, 上番 5 米再往前游, 終於叫做睇到下野啦 …
成個潛魚都睇到唔少, 但影就真係無能為力, 濛到呢 …. 我只影到唯一一隻兔, 以及我 Buddy 朦朧的身影 … 死磨爛磨都俾我地玩左 45 分鐘咁啦 !
第二潛回歸香港馬爾代夫 – 橋咀 !
咪睇少這個 O 仔訓練場, 呢度勁多水中生物可以找得到, 今回搵下搵下, 都在濁水中跟海龍海馬相遇了 !
橋咀一向住左幾條大鯆魚, 估唔到我地潛潛下見到條好 cute 的小鯆, 好鬼生猛可愛, 由於佢太活躍, 我根本影唔切, 兩張鯆魚相片都由 Buddy 提供的 !
呢一潛玩左一個鐘有多, 長期 5 – 6 米中徘徊, 水溫跟那陣流一樣的變幻, 時冷時暖, 不過水療真的很有效哦 ~
橋咀出名的連島沙洲, 在這裡可以清晰可見, 剛到埗時還未潮退, 到離開前那道沙橋就出現了 !
