2019 年年尾去了一趟高雄, 只為了一場 Fun Run : LINE FRIENDS 音樂路跑 !
今回入住的是 Just Sleep 高雄站前館, 簡單平實的一家酒店, 地理位置不錯, 就在中山一路之上, 走 5 分鐘就是捷運站, 很方便 ! 房間唔錯架, 夠晒空間, 仲幾舒服添, 最重要房價很相宜, 比台北還要平就是了 ~
提提大家酒店有早餐提供的, 但酒店大堂那 Cafe 才是不錯的咖啡之選, 有時間大可在這喝杯下午茶哦 ! 仲有仲有, 酒店離六合夜市不遠, 真係走幾步就到, 夜晚想吃宵夜就好方便啦 !
Just Sleep 高雄站前館 Webpage : https://www.justsleep.com.tw/
Just Sleep 高雄站前館 Tripadvisor Review : https://www.tripadvisor.com.hk/Hotel_Review-g13808513-d8598482-Reviews-Just_Sleep_Kaohsiung_Station-Xinxing_Kaohsiung.html
駁二藝術特區, 相信大家也不會陌生, 今回除左有好幾個戶外裝置可供拍照之外, 好似仲有其他野玩下咁喎 ….
呢個哈瑪星台灣鐵道館, 原本我們是没打算去的, 結果因為一台小火車, 令我們買下了這個組合門票, 既然係咁, 那就先坐坐這個無無聊聊, 但又童真無限的小火車啦 ~
哈瑪星台灣鐵道館 Webpage : http://hamasen.khm.gov.tw/
哈瑪星台灣鐵道館真係唔入去都唔知有咁多野睇, 又咁多野玩, 有得玩踩鐵路單車, 又有 VR 體驗, 最勁係佢砌左個台灣動態鐵道模型出黎, 非常震撼 !
駁二藝術特區於 Weekend 設有假日市集, 大部份皆為手作野, 值得一逛 ! 早排我係 IG 介紹過的 Dum Dum 擴香石, 就係喺呢度買架啦 ~
其實都好鍾意嗰款鯨魚筷子架, 可惜真係有點貴 ….
無意中買到的手信系列 …
鹽埕小巷內有美食, 已不是第一回提及過, 今回再訪, 又可以再品嚐一下其他老店.
其中大溝頂虱目魚米粉湯屬意外發現, 其魚肚漿米粉湯真係未食過, 都幾鮮味架, 而且魚肚漿真係多過米粉架, 另外記得點埋 炸牛蒡, 好食 !
阿線麻糬的大福上回已介紹過 (http://traveling-fish.tixmart.org/2018/07/19/taiwan-2018-04/), 可惜來是季節不對, 芒果大福已經没有了, 反而我們試了很多新口味, 不過值得推介做手信的卻是傳統麻糬, 不能存放太久, 但真真新鮮美味 ~
三郎麵包的特色 !
鹽埕小巷內的豆花, 還是傳統口味最好 !!
LINE FRIENDS 音樂路跑的禮品包, 有公仔又有 T-shirts, 真係好豐富呀喎 !!
會場內的 Poster, cute !
無意中遇上了拉長版旳 Brown, 有點點的嚇人, 卻誠意十足 !
這是 Fun Run, 全程只有 4 公里, 非常的優閒, 很適合一家大少, 有些連 BB 車都推出來跑了 !
只要能夠完成路跑, 就可以得到那小 Brown 頭完成奬牌的, 得意 !
雖然路程有點短, 人流頂盛, 但都幾好玩架, 下年試埋台北場先得 !!
