Staycation 無疑係今年的新興活動, 早排我都去玩左一次, 原來都可以係一個幾唔錯的活動 !
該如何選取酒店呢個問題, 請恕我不懂回答, 我對香港酒店的研究不多, 今次選取 Hotel Icon 只有 2 個原因 : 1) 呢間唔係大家會熱捧的選擇 ; 2) 佢地個 Package 包左一個鐘 Massage !
某個閒日, 跟朋友食左午飯, 就去 Hotel Icon check in, 過程順利也没有人山人海, 感覺良好 ~ 攞左匙咭就上樓, 整理過的房間門口有封條, 多了幾分誠意 ~
酒店房間空間感不錯, 比預計中寬敞, 房中呢張 King size bed 確實會令人有終於離開左屋企的感覺, 仲要幾好瞓添架 ! 至於個洗手間都真係幾大, 個 shower 係置頂式花洒, 呢樣一定正過我家個花洒囉 ~
本來訂房時可以選擇 城市景 又或加錢得到 維港景, 當時冇乜諗就選左最基本的城市景, 結果呢個紅隧塞車景真係冇得輸, 幾咁有 HK 特色呀 !!
呢個紅隧真係日又塞, 夜都係咁塞架喎 !
酒店 9 樓設有 Gym Room, Pool Bar, Swimming Pool & Spa !
呢日天氣好之餘, 泳池仲要冇乜人任我去游, 之前聽聞過好多酒店泳池都被迫爆左架嘛 ; 而呢個泳池卻已經令我可以耗掉整個下午囉 ~ 再加之以香港房屋有條罅海景都貴銊十萬黎講, 酒店泳池呢個 view 都真係好 OK, 我就稱之為 “遠眺維港” 景 !
游完個水, 就可以去埋酒店附設的 Angsana Spa 啦 !
Package 包括了一個鐘 Massage, 接待我地的職員似乎真係泰國人, 由 welcome drinks 到房間安排再到按摩後的飲品水果, 呢間 Spa 都總算做到好足, 最重要係按摩真係按足了 60 分鐘, 而且師傅手勢都幾好, 有令人以為去了泰國的錯覺 ~~
紅隧塞車之夜景 ~~
咪話, 我到半夜 2 點望出窗外, 都仲係一大堆車係度架 !
呢個 Package 係唔包早餐, 不過聽說酒店餐廳 The Market 的嘢食唔錯, 咁咪加錢試下囉 ~
事實嘛 … 早餐真試不出什麼水準來, 食物款式都算多吧, 有粉麵檔、煎蛋奄列 還有鮮榨果汁, 熱葷都有超過 10 款, 冷盤沙律都夠多選擇, 而糕點的賣相亦很精緻, 可惜整體食品味道算是不過不失, 住開呢度食一次倒也無妨, 特地過來卻是不必了 !
難得玩 Staycation, 咁就連晚飯都要講究一點
我地黎到中環, 訂座於只售天婦羅的有名食店 : 一宝, 要試試 Tempura Omakase 的美味 !
全店就只有十三席, 這晚剛好是 4 組客人, 我們剛好落座於師傳的右則 ~
一宝 Openrice Review : https://www.openrice.com/zh/hongkong/r-%E4%B8%80%E5%AE%9D-%E4%B8%AD%E7%92%B0-%E6%97%A5%E6%9C%AC%E8%8F%9C-%E5%BB%9A%E5%B8%AB%E7%99%BC%E8%BE%A6-r175843
難得黎到食好野, 又點可以唔點番壺清酒, 本人酒量不高, 只要 2 杯就冇乜空間再飲, 好在朋友們總會幫我包底 !
前菜茶碗蒸, 鮮味無窮 !
第一道就來天婦羅蝦 : 先來 2 件蝦頭, 再來一件齋蝦, 一條紫蘇葉蝦, 2 者之間, 紫蘇葉蝦真係好好食呀 !
接著係日本甜蕃薯 及 小件魚塊 (我唔記得係咩魚啦 !), 估唔到係蕃薯比魚塊更出色 !
至於魷魚看似平平無奇, 咬到口中才知是好野 !
另一款係粟米 !
呢份係舞茸菇, 可以排在好吃排行榜五位之內 !
至於這個小小三文治, 則是這點小特色天婦羅 ~
接著海鮮天婦羅出場 : 蠔、汁煮過的鮑魚、海膽、帶子 & 穴子, 真係好精彩的味覺享受 !
穴子天婦羅本來没那麼出色, 但那堆葱花才是精髓, 將整件天婦羅的味道帶了出來 ~
最後還有一份丼飯 : 天丼 / 茶丼, 喜歡那款, 悉隨專便 ~
最後一份簡簡單單的甜品, 完滿地結束這 3 個小時之飯局 !
