呢一年由於武肺仍然作亂, 基本上大部份的山賽都取消左, 而當中唔少賽事都改變左進行模式, 如今新新舊舊的山上山下賽事, 都大多用咗線上跑之方式來進行 ! 今回喺朋友推介下, 我地玩左轉 #獅360 (Round The Lion), 整個路線有不少路段都係我較少行過, 都幾有趣好玩架 !
果然唔賽唔知身體好, 真係有賽事先可以迫住大家去練山, 黎緊仍然會一個接一個咁去努力, 希望 2021 會繼續走遍 HK 的好風景 !!
起點由黃大仙大牌坊出發, 沿沙田坳道一路慢慢上山, 去到恒益士多就要轉番去上山路徑, 呢條登山小路係意料之外的好風景, 大半個九龍區都可以望得到 ~
呢個慈雲山發射站, 內有標高柱 (慈雲山 488m), 不對外開放, 山友們卻可以在門口打個咭 ~
只要下山後多走一會, 就會遇到一座建於馬路邊的舊教堂, 古式古香的頗有氣度 !
去到路口, 轉上慈沙古道直走至水泉澳 !
估唔到慈沙古道, 行起上黎都幾靚幾舒服架喎 !
出左去水泉澳就要轉番彎入水泉坳街, 接著上蝌蚪坪, 再上貓仔山 (有標高柱 285m), 直到接回衛徑第五段 ~
衛徑第五段主打引水道, 無窮無盡兼會令隊友們無啦啦跑起上黎的引水道 !!
中途要繞落紅梅谷, 穿番燒烤場, 重新接回衛徑第五段 !
接上尖沙徑, 要走好一大段路前往筆架山, 又係一個打咭點 !
重回麥徑第五段, 直走回九龍坳, 咁上下可以開始遙望獅子山 !
最近不常見獅子山, 但連續 2 次都可以見到有直升機的存在, 今回應該又是在救人了 ~
在獅子山下, 我們開始下山回黃大仙的路上 !
呢個角度的獅子山, 果然係冇得彈呀 !! 正呀 ~
回到獅子山公園, 剛好日落黃昏之時, 夕陽照射下的獅子山, 份外的好看 ~
全程大約 22km, 前前後後用左 6 小時 15 分去完成, 真係一條幾唔錯的路線黎架 !!
