呢一年由於武肺仍然作亂, 基本上大部份的山賽都取消左, 而當中唔少賽事都改變左進行模式, 如今新新舊舊的山上山下賽事, 都大多用咗線上跑之方式來進行 ! 今回喺朋友推介下, 我地玩左轉 #獅360 (Round The Lion), 整個路線有不少路段都係我較少行過, 都幾有趣好玩架 ! 果然唔賽唔知身體好, 真係有賽事先可以迫住大家去練山, 黎緊仍然會一個接一個咁去努力, 希望 2021 會繼續走遍 HK 的好風景 !! 起點由黃大仙大牌坊出發, 沿沙田坳道一路慢慢上山, 去到恒益士多就要轉番去上山路徑, 呢條登山小路係意料之外的好風景, 大半個九龍區都可以望得到 ~ 呢個慈雲山發射站, 內有標高柱 (慈雲山 488m), 不對外開放, 山友們卻可以在門口打個咭 ~…