由於上回澳門遊的經歷還不錯, 4 月相約朋友們再出遊一趟 !
同樣起點始於港珠澳大橋澳門口岸, 坐架巴士去最近的食店, 由於澳門交通實在不太方便, 我地決定唔用巴士, 又唔洗搵的士, 就只用我們的 11 號, 由北到南吃上一遍 ~
第一餐, 我地要去食豬扒飽, 但有見氹仔的那幾家都已經物是人非, 而且氹仔那種人山人海淪陷程度, 我決定搵番間本地一點的食店 : 偉記豬扒包 !
早上去到人流不多, 唔洗排隊都有得食了, 嚟買的多是本地人, 以外賣為主, 我地只試了豬扒包解一解癮, 後來睇人地遊記先知辣魚芝士包才是名物, 下次有機會可以再試過 !!
偉記豬扒包
黑沙環東北大馬路東華新村第13座. A鋪
第二餐去左三盞燈的雅香粉麵咖啡食緬甸菜, 呢度出名的係椰汁雞麵, 但我地仍然想試埋魚湯米、緬甸撈 &馬拉盞撈麵 ! 個人認為個椰汁雞麵係相當不錯, 而魚湯米跟上回的 368 (小食) 魚湯粉 味道上不同, 各有千秋, 但講到緬甸撈就應該 368 嗰款出色點 !
總結 : 雅香是以其歷史悠久, 大把由細食到大的熟客而取勝的 ~~
雅香粉麵咖啡
澳門飛能便度街27號地下A座.
第三站, 則以咖啡為目標 : 艾奇諾咖啡 (Artigiano Coffee House) !
朋友相中了這店出的咖啡豆, 而一場到來又冇理由唔飲番杯, 那就買 2 杯外帶來試試吧 ~
無意中找到一家不錯的 Bakery : 點點日式烘焙店, 係會忍唔住買左, 袋住回香港當手信 !
好耐都冇去過的消防博物館 ~
澳門的一家手造蠟燭店 : 夏至 Midsum !
第四站 : 大家都可能都有聽過 又或 食過 澤賢記 的 焦糖葡撻蛋球仔, 我地今回都係第一次食到 (皆因上次遊澳門時, 我唔同時段去到佢唔同分店, 都係關門大吉的 ….), 味道唔錯, 熱辣辣咁, 個葡撻饀都算幾香的, 值得一吃 ~
澤賢記
新橋(三盞燈/白鴿巢)渡船街61號地舖
澳門手信之選, 一向是我認為最值得買的杏仁餅, 不過如今此店已經要大排長龍, 所以買唔買到只係靠彩數 …
第五站 : 係一家裝潢帶點懐舊但環境舒服, 又可以同朋友們坐耐一點聊聊天的 cafe : 山上咖啡 !
這裡的咖啡或許没有太出息, 但呢度的 Tiramisu 卻不可錯過哦 ~~
山上咖啡
澳門崗頂斜路4號（一區警署旁）
第六站, 又係唔洗再去介紹的 倫記軟滑腸粉, 今回多左朋友一齊去, 可以食多款腸粉, 除咗名物雞蛋腸之外, 還點了韮黃鮮蝦腸 !
倫記軟滑腸粉
沙梨頭沙欄仔街26號泉彩樓地下B號舖
第七站係上回都幫襯過的 牛記咖喱美食 ! 今回終於食到墨魚餅 與 炸蝦丸呀 !! 果然人多戰鬥力都高點, 食到第七餐都可以點咁多嘢食 ….
牛記咖喱美食
新馬路十月初五日街1號地舖
第八站 : 簡簡單單而有幸唔洗排長龍而買到的美食 : 瑪嘉烈葡撻 ~~
瑪嘉烈蛋撻店
新馬路馬統領街金利來大廈17B地舖
第九站, 亦係晚飯前的最後一餐 : 搵咗間 Cafe – Single Origin Macau 坐下休息下, 順手 hea 到夠鐘先去食晚飯 …
呢度的飲品都幾有特色, 可配西柚汁的咖啡都係第一次飲, 還有開心果 Latte 都係比較少見的 … …
Single Origin Macau
荷蘭園二馬路19 號地下
Cafe 附近有間小小的 Camping 店 – Kukka, 內有本地設計的 Camping Tee & Accessories, 還有很多精選露營用品, 值得入去走走逛逛 !
是日第十餐來了 : 再來澳門陸軍俱樂部 (Clube Militar de Macau) !!
今回人多就可以多點幾個菜式 :
頭盤有 炸馬介休球、蟹肉湯 & 八爪魚沙律
主菜 : 焗鴨飯、海鮮湯飯 & 前馬介休魚柳培 ~~
甜品今回都點了 2 款 : 芒果 Rice Pudding & 棒子蛋糕 …
如果食飯嗰下唔留肚的話, 那甜品就分分鐘要多個胃先搞得掂了 !!
是日行程完結, 好順利咁將澳門本島由北到南走了一趟, 剛好全程只須坐一來一回兩桯巴士而已, 慳番唔少等車時間架 !!
